ବାଲେଶ୍ବର: ଭୋଗରାଇରେ ପୁଣି ଏକ ଲଜ୍ଜ୍ୟାଜନକ ଘଟଣା ଘଟିଛି ୲ ତାଳଶାରୀ ବେଳା ଭୂମିକୁ ବୁଲିବାକୁ ଯାଇଥିବା ଛାତ୍ରଛାତ୍ରୀଙ୍କ ସହ କିଛି ଯୁବକ ଅଶାଳୀନ ବ୍ୟବହାର କରିଛନ୍ତି । ଏପରିକି ଏ ନେଇ ଭିଡିଓ ଉତ୍ତୋଳନ କରୁଥିବା ଦେଖିବାକୁ ମିଳିଛି । କେବଳ ଏତିକି ନୁହେଁ ଟଙ୍କା ନଦେଲେ ଭିଡିଓ ଭାଇରାଲ କରିବା ନେଇ ଧମକ ଦେଉଥିବା ଦେଖିବାକୁ ମିଳୁଛି । ଏହାକୁ ନେଇ ଜନ ଅସନ୍ତୋଷ ଦେଖାଯାଇଛି । ସ୍ଥାନୀୟ ଗ୍ରାମବାସୀ ଓ ମହାମାୟା ସ୍ବୟଂ ସହାୟିକା ଗୋଷ୍ଠୀ ତରଫରୁ ତାଳଶାରୀ ମେରାଇନ ଥାନାରେ ଏନେଇ ଅଭିଯୋଗ ହୋଇଛି ।
ସ୍ଥାନୀୟ ଅଞ୍ଚଳର କଲେଜ ଛାତ୍ରଛାତ୍ରୀ ବୁଲିବା ପାଇଁ ତାଳଶାରୀ ଯାଇଥିଲେ । ସେଠାରେ କିଛି ଅସାଧୁ ବ୍ୟକ୍ତି ସେମାନଙ୍କ ସହିତ ଅସଦାଚରଣ କରିଥିଲେ । ଏହା ସହିତ ଭିଡିଓ ଉତ୍ତୋଳନ କରିଥିଲେ । ଏହାସହ ପରେ ଭିଡିଓକୁ ଭାଇରାଲ କରିଛନ୍ତି ୲ ଭୋଗରାଇ ବ୍ଲକ ତାଳଶାରୀ ବେଳାଭୂମିକୁ ପ୍ରତ୍ୟେକ ଦିନ ହଜାର ହଜାର ପର୍ଯ୍ୟଟକ ଆସୁଥିବା ବେଳେ ଏବେ ବେଳାଭୂମିରେ ଲଜ୍ଜ୍ୟାଜନକ ପରିସ୍ଥିତି ଉପୁଜିଛି ୲
ଏହି ଘଟଣା ପ୍ରଥମ ନୁହେଁ ୲ ପୂର୍ବରୁ ଏହିପରି ଅନେକ ଘଟଣା ଘଟିଥିବାର ନଜିର ରହିଛି ୲ ତେବେ କିଛି ଅସାମାଜିକ ବ୍ୟକ୍ତି ଏମିତି କାର୍ଯ୍ୟରେ ଲିପ୍ତ ରହି ଟଙ୍କା ଆଦାୟ କରୁଥିବା ଅଭିଯୋଗ ହୋଇଛି । ତେବେ ଏହି ଘଟଣାର ତଦନ୍ତ କରି ଘଟଣାରେ ସମ୍ପୃକ୍ତ ଅସାମାଜିକ ଯୁବକଙ୍କୁ ଗିରଫ କରିବାକୁ ଦାବି ହୋଇଛି ୲
ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ
