ବାଲେଶ୍ବର: ପୂର୍ବ ଶତ୍ରୁତାକୁ କେନ୍ଦ୍ର କରି ମହିଳାଙ୍କୁ ମରଣାନ୍ତକ ଆକ୍ରମଣ । ଅଳଙ୍କାର ସହ ସୁନା କାନଫୁଲ ଲୁଟି ନେଲେ ଆକ୍ରମଣକାରୀ । ଭଉଣୀଙ୍କୁ ବଞ୍ଚାଇବାକୁ ଯାଇ ବାପା ଓ ଭାଇ ମଧ୍ୟ ଆହତ ହୋଇଛନ୍ତି । ବାଲେଶ୍ବର ଜିଲ୍ଲା ସୋର ଥାନା ଅଧିନସ୍ଥ ପତୁପପାଳ ଗାଁରେ ଘଟିଛି ଏହି ଅଭାବନୀୟ ଘଟଣା । ଆହତ ମହିଳା ହେଲେ ସନ୍ଧ୍ୟାରାଣୀ ଜେନା ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ସୂଚନା ଅନୁଯାୟୀ, ସନ୍ଧ୍ୟା 10 ହଜାର ଟଙ୍କା ନେଇ ମହିଳା ଗ୍ରୁପକୁ ଯାଉଥିବାବେଳେ ହଠାତ୍ ତାଙ୍କ ପଡୋଶୀ ସଂଘବଦ୍ଧ ଭାବେ ଲୁହା ରଡରେ ଆକ୍ରମଣ କରିଥିଲେ । ଏପରିକି ତାଙ୍କ ଠାରୁ ଟଙ୍କା ଓ ସୁନା ଅଳଙ୍କାର ମଧ୍ୟ ଛଡାଇ ନେଇଥିଲେ । ଏପଟେ ଭଉଣୀକୁ ବଞ୍ଚାଇବା ପାଇଁ ଘଟଣାସ୍ଥଳରେ ପହଞ୍ଚିଥିଲେ ଭାଇ ନିରାକାର ଓ ବାପା ଭାସ୍କର ଜେନା ।
ଆକ୍ରମଣକାରୀମାନେ ସେମାନଙ୍କୁ ମଧ୍ୟ ଛାଡି ନଥିଲେ । ପଡୋଶୀଙ୍କ ଆକ୍ରମଣରେ ଲହୁଲୁହାଣ ହୋଇଥିଲେ ଉଭୟେ । ତେବେ ଗ୍ରାମବାସୀ ସଙ୍ଗେ ସଙ୍ଗେ ମେଡିକାଲରେ ଭର୍ତ୍ତି କରିଛନ୍ତି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
