ବାଲେଶ୍ଵର: ମଦ ଦୋକାନକୁ ବିରୋଧ କରି ଗ୍ରାମବାସୀଙ୍କ ପ୍ରତିବାଦ । ବାଲେଶ୍ବର ଜିଲ୍ଲା ପାତ୍ରପଡ଼ା ଛକ ନିକଟରେ ବିଦେଶୀ ମଦ ଦୋକାନକୁ ବିରୋଧ କରି ଗ୍ରାମବାସୀ ରାସ୍ତାରେ ଟାୟାର ଜାଳି ବିକ୍ଷୋଭ ପ୍ରଦର୍ଶନ କରିଛନ୍ତି ।
ମଦ ଦୋକାନକୁ ଗ୍ରାମବାସୀଙ୍କ ବିରୋଧ, ଟାୟାର ଜାଳି ରାସ୍ତା ଅବରୋଧ
ଗ୍ରାମବାସୀଙ୍କ ଦୀର୍ଘ ସମୟ ରାସ୍ତା ଅବରୋଧ ଫଳରେ ଚାନ୍ଦିପୁରକୁ ଯାନବାହାନ ଚଳାଚଳ ବାଧାପ୍ରାପ୍ତ ହୋଇଥିବା ଦେଖିବାକୁ ମିଳିଛି । ସ୍ଥାନୀୟ ଅଞ୍ଚଳରେ ମଦ ଦୋକାନ ହେତୁ ଲୋକେ ମଦ ପିଇ ଉତ୍ପାତ କରୁଥିବା ଅଭିଯୋଗ ହୋଇଛି । ଅନ୍ୟପଟେ ଗତକାଲି ରାତିରେ ମଦ ଓ ଚାନ୍ଦା ନ ଦେବାକୁ କେନ୍ଦ୍ରକରି ମଦ ଦୋକାନ ମାଲିକଙ୍କ ସହ ସ୍ଥାନୀୟ ଯୁବକ ମାନଙ୍କ ପାଟି ତୁଣ୍ଡ କରିଥିଲେ । ଫଳରେ ଦୋକାନ ଭଙ୍ଗା ରୁଜା କରିଥିବା ଦୋକାନ ମାଲିକ ଅଭିଯୋଗ ଆଣିଛନ୍ତି । ସେଠାରୁ ମଦ ଦୋକାନ ବନ୍ଦ କରିବା ପାଇଁ ଲୋକଙ୍କ ବିକ୍ଷୋଭ ଜାରି ରହିଥିବା ବେଳେ ଘଟଣାସ୍ଥଳରେ ଟାଉନ ଥାନା ପୋଲିସ ପହଞ୍ଚିଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
