ବାଲେଶ୍ଵର: ସ୍ବାଧୀନତାକୁ ଦୀର୍ଘ ବର୍ଷ ବିତିଛି । ହେଲେ ଅନେକ ସ୍ଥାନରେ ଚିତ୍ର ବଦଳିନି । ଆଜି ବି କେଉଁ ଗାଁକୁ ରାସ୍ତା ନାହିଁ ତ କେଉଁ ଗାଁକୁ ନାହିଁ ପାଣି । ଭଲ ରାସ୍ତା ନଥିବାରୁ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି ଅନେକ ଲୋକ । ବାଲେଶ୍ବର ଜିଲ୍ଲା ରେମୁଣା ବ୍ଲକ ବଡ଼ପାଳ ପଞ୍ଚାୟତ ବାରବାଙ୍କ ଗାଁ ଲୋକଙ୍କ ଅବସ୍ଥା କହିଲେ ନ ସରେ । ଗାଁକୁ ରାସ୍ତା ନଥିବାରୁ ବାଉଁଶ ପୋଲ ଭରସା ହୋଇଛି ।
ବାଉଁଶ ପୋଲ ଭରସା
ଭଲ ରାସ୍ତାଟିଏ ନଥିବାରୁ ଲୋକମାନେ ଦୁର୍ଦ୍ଦଶା ଭୋଗୁଛନ୍ତି । ଗାଁକୁ ଯିବା ପାଇଁ ବାଉଁଶ ପୋଲ ଏକମାତ୍ର ସାହାରା ହୋଇଛି । ବର୍ଷାଦିନରେ ଯିବା ଆସିବା ବିପଦପୂର୍ଣ୍ଣ ହୋଇଛି । ଏହାକୁ ନେଇ ଗ୍ରାମବାସୀ ଅନେକ ଥର ପ୍ରଶାସନ ନିକଟରେ ଅଭିଯୋଗ କରିଥିଲେ ମଧ୍ୟ କୌଣସି ସୁଫଳ ମିଳିନାହିଁ । ଭଲ ରାସ୍ତାଟିଏ ପାଇଁ ବାରମ୍ବାର ବିଭାଗୀୟ ଅଧିକାରୀଙ୍କୁ କହିଲା ପରେ ଚୁପ ବସିଛି ପ୍ରଶାସନ ।
