ବାଲେଶ୍ୱର: ପ୍ରବଳ ଗୁଳୁଗୁଳିରେ ଅସ୍ତବ୍ୟସ୍ତ ବାଲେଶ୍ବର ବାସୀ । ତେବେ ଗୁଳୁଗୁଳିରେ ତ୍ରାହି ତ୍ରାହି ଡାକୁଥିବାବେଳେ ମଙ୍ଗଳବାର ଜିଲ୍ଲାର ବିଭିନ୍ନ ସ୍ଥାନରେ କାଳବୈଶାଖୀର ପ୍ରଭାବ ଦେଖିବାକୁ ମିଳିଛି । ଯେଉଁଥିପାଇଁ ଲୋକେ ଟିକେ ଆସ୍ବଶ୍ତି ଲାଭ କରିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ଅପରାହ୍ନ ସମୟରେ ପବନ ସାଙ୍ଗକୁ ଘଡଘଡି ଓ ବର୍ଷା ଜନଜୀବନକୁ ପ୍ରଭାବିତ କରିଛି । ପବନର ପ୍ରକୋପ ଯୋଗୁଁ ଦୀର୍ଘ ସମୟ ଜିଲ୍ଲାରେ ବିଦ୍ୟୁତ ସରାବରାହ ବନ୍ଦ ରହିଥିଲା । ଜିଲ୍ଲାରେ ପାଖାପାଖି 45 ମିନିଟ ଧରି କାଳବୈଶାଖୀ ଲାଗି ରହିଥିଲା।
ତେବେ ଏହାର ପ୍ରକୋପ ନୀଳଗିରି ଅଞ୍ଚଳରେ ମଧ୍ୟ ଦେଖିବାକୁ ମିଳିଥିଲା । ବେଗୁନିଆ ପଞ୍ଚାୟତ ତୋଟାପଡା ଅଞ୍ଚଳର ମହେଶ୍ୱର ନାୟକଙ୍କ ଘର ଛପର ଉଡି ଯାଇଥିବା ଦେଖିବାକୁ ମିଳିଛି । ମହେଶ୍ବରଙ୍କ ଘରେ ଥିବା କିଛି ଜିନିଷ ପତ୍ର ପବନ ଭାଙ୍ଗି ପକାଇଥିବା ବେଳେ ଆଉ କିଛି ଉଡାଇ ନେଇଥିବା ଜଣାପଡିଛି।
ଜିଲ୍ଲାରେ 10 ମିଲିମିଟରରୁ ଅଧିକ ବର୍ଷା ହୋଇଥିବା ସୂଚନା ମିଳିଛି।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
