ବାଲେଶ୍ଵର: ବାଲେଶ୍ଵର ସଦର ବିଧାୟକ ମଦନ ମୋହନ ଦତ୍ତଙ୍କ ବିୟୋଗ ପରେ ଏବେ ଉପ ନିର୍ବାଚନ ପାଇଁ ତାଙ୍କ ପୁଅ ମାନସ ଦତ୍ତଙ୍କୁ ନିର୍ବାଚନ ମଣ୍ଡଳୀର ସଂଯୋଜକ ଭାବେ ଦାୟିତ୍ବ ଦିଆଯାଇଛି । ଏନେଇ ବିଜେପି ପକ୍ଷରୁ ଏକ ସାମ୍ବାଦିକ ସମ୍ମିଳନୀ ଜରିଆରେ ସୂଚନା ଦିଆଯାଇଛି। ସଦର ନିର୍ବାଚନ ମଣ୍ଡଳୀର ବିଭିନ୍ନ ଅଞ୍ଚଳ ବୁଲି ଲୋକଙ୍କ ସଂସ୍ପର୍ଶରେ ରହି ଆସୁଛନ୍ତି ମାନସ।
ସଦର ଉପ ନିର୍ବାଚନ: ଦିବଙ୍ଗତ ବିଧାୟକଙ୍କ ପୁଅକୁ ମିଳିଲା ସଂଯୋଜକ ଦାୟିତ୍ୱ
ମଦନଙ୍କ ଦେହାନ୍ତ ପରେ ତାଙ୍କ ଉତ୍ତରାଧିକାରୀ ଭାବେ ମାନସ ବାପାଙ୍କ ସ୍ବପ୍ନ ପୂରଣ କରିବେ ବୋଲି କହିଛନ୍ତି । ଦଳର ସେ ଜଣେ ଶୃଙ୍ଖଳିତ କର୍ମୀ,ଦଳ ଯାହା ଦାୟିତ୍ବ ଦେବ ସେ ତାହା ପାଳନ କରିବେ ବୋଲି କହିଛନ୍ତି। ତେବେ ସଂଯୋଜକ ଦାୟିତ୍ବ ଗ୍ରହଣ କରିବା ପରେ ମାନସ ସମସ୍ତ କାର୍ଯ୍ୟ ଶୃଙ୍ଖଳାର ସହ କରିବେ ବୋଲି କହିଛନ୍ତି।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
