ବାଲେଶ୍ଵର: ଅଧାରେ ରହିଗଲା ଜଗା ଦର୍ଶନ । ପୁରୀରେ ପହଞ୍ଚିବା ଆଗରୁ ଦୁର୍ଘଟଣାରେ ଚାଲିଗଲା 3 ଜୀବନ । ବାଲେଶ୍ବର ଜିଲ୍ଲା ସିମୁଳିଆ ଥାନା 16 ନମ୍ବର ଜାତୀୟ ରାଜପଥରେ ଏଭଳି ଏକ ଦୁଃଖଦ ଘଟଣା ଘଟିଛି । ଜାମୁଝାଡ଼ି ରାଧାବଲ୍ଲଭପୁର ନିକଟରେ ଏକ ତେଲ ଟ୍ୟାଙ୍କର କାରକୁ ଧକ୍କା ଦେବା ଫଳରେ ତିନି ଜଣଙ୍କ ମୃତ୍ୟୁ ହୋଇଥିବା ବେଳେ 8 ଜଣ ଆହତ ହୋଇଛନ୍ତି ।
ଅଧାରେ ରହିଲା ଜଗା ଦର୍ଶନ
ସୂଚନା ଅନୁସାରେ, ପଶ୍ଚିମବଙ୍ଗ ହୁଗୁଳି ଅଞ୍ଚଳର ଦୁଇଟି ପରିବାର ଜଗା ଦର୍ଶନ ପାଇଁ ପୁରୀ ଅଭିମୁଖେ ଯାଉଥିଲେ । ରାଧାବଲ୍ଲଭପୁର ଠାରେ ଭଦ୍ରକରୁ ବାଲେଶ୍ଵର ଯାଉଥିବା ଏକ ତେଲ ଟ୍ୟାଙ୍କରର ଚକା ଫାଟି ଯିବାରୁ ଭାରସାମ୍ୟ ହରାଇ ବସିଥିଲା । ଏହି ସମୟରେ ସେହି ରାସ୍ତା ଦେଇ ଯାଉଥିବା ଗୋଟିଏ କାର୍ ସହିତ ମୁଁହାମୁହିଁ ଧକ୍କା ହେବା ପରେ ପଛରେ ଆସୁଥିବା ଅନ୍ୟ ଏକ କାର୍କୁ ଧକ୍କା ଦେଇଥିଲା । ଯାହା ଫଳରେ ପ୍ରଥମ ଗାଡ଼ିରେ ଥିବା ଡ୍ରାଇଭର ସମେତ ସ୍ୱାମୀ ସ୍ତ୍ରୀଙ୍କର ମୃତ୍ୟୁ ଘଟିଥିବାବେଳେ ଅନ୍ୟ 8ଜଣ ଆହତ ହୋଇଛନ୍ତି ।
