ବାଲେଶ୍ବର: ଅବସରପ୍ରାପ୍ତ ଶିକ୍ଷକଙ୍କ ମହନୀୟତା । କୋରୋନା ମୁକାବିଲା ପାଇଁ ସରକାରୀ ଓ ବେସରକାରୀ ସ୍ତରରେ ବିଭିନ୍ନ ପଦକ୍ଷେପ ନିଆଯାଉଛି । ସରକାରଙ୍କୁ ସହଯୋଗ ଉଦ୍ଦେଶ୍ୟରେ ବିଭିନ୍ନ ମହଲରୁ ସାହାଯ୍ୟର ସୁଅ ଛୁଟୁଛି । ହେଲେ ଆମେ ଆଜି ଏମିତି ଜଣେ ବ୍ୟକ୍ତିଙ୍କ କଥା କହିବାକୁ ଯାଉଛୁ ଯିଏ ବୟସର ଅପରାହ୍ନରେ ମଧ୍ୟ ସରକାରଙ୍କୁ ସାହାଯ୍ୟ କରି ଏକ ଉଦାହରଣ ସୃଷ୍ଟି କରିଛନ୍ତି ।
ଅବସରପ୍ରାପ୍ତ ଶିକ୍ଷକଙ୍କ ମହନୀୟତା କୋରୋନା ସହାୟତା ପାଇଁ ପେନସନ ଟଙ୍କା ଦାନ କଲେ
ବାଲେଶ୍ଵର ଜିଲ୍ଲା ଔପଦା ବ୍ଲକ ଫତେପୁର ପାଇକପଡା ଗ୍ରାମର ଅବସରପ୍ରାପ୍ତ ଶିକ୍ଷକ ଅନ୍ତର୍ଯ୍ୟାମୀ ନାୟକ । ବୟସ ତାଙ୍କର 85, ଏ ବୟସରେ ବି ସେ କରୋନା ଯୁ୍ଦ୍ଧରେ ପାଇଁ ନିଜ ପେନସନ ଟଙ୍କା ମୁଖ୍ୟମନ୍ତ୍ରୀ ରିଲିଫ ଫଣ୍ଡକୁ ଦାନ କରିଛନ୍ତି । ଔପଦାର ଅତିରିକ୍ତ ତହସିଲଦାରଙ୍କ ଜରିଆରେ ଅନ୍ତର୍ଯ୍ୟାମୀ 5ହଜାର ଟଙ୍କା ରିଲିଫ ଫଣ୍ଡକୁ ଦାନ କରି ଉଦାହରଣ ସୃଷ୍ଟି କରିଛନ୍ତି ।
ବାଲେଶ୍ବରରୁ ଜୀବନଜ୍ୟୋତି ନାୟକ,ଇଟିଭି ଭାରତ
