ବାଲେଶ୍ଵର: ଦେଶରେ ଦେଖାଯାଇଥିବା ଆର୍ଥିକ ସଂକଟକୁ ନେଇ ସୋମବାର ଜିଲ୍ଲାପାଳଙ୍କ ଅଫିସ ଆଗରେ ବାମଦଳ ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯାଇଛି । ମାନ୍ଦାବସ୍ଥା, ଶିଳ୍ପଦ୍ୟୋଗକୁ ଘରୋଇକରଣ କରିବା, ବେକାରୀ ସଂଖ୍ୟା ବୃଦ୍ଧି, ଚାଷୀମାରଣ ନୀତି ଭଳି ଘଟଣା ଦିନକୁ ଦିନ ବୃଦ୍ଧି ପାଉଛି ।
ବାମଦଳର ବିକ୍ଷୋଭ
ଏହାର ସମାଧାନ କରିବା ପରିବର୍ତ୍ତେ କେନ୍ଦ୍ର ସରକାର ଆତ୍ମ ପ୍ରଚାରରେ ମାତିଥିବା ଅଭିଯୋଗ କରିଛନ୍ତି ବାମପନ୍ଥୀ। ଏନେଇ ବାମଦଳ ପକ୍ଷରୁ ଷ୍ଟେସନ ଛକରୁ ଏକ ବିରାଟ ପଟୁଆର ବାହାରି ଜିଲ୍ଲାପାଳଙ୍କ କାର୍ଯ୍ୟାଳୟ ଆଗରେ ବିକ୍ଷୋଭ ପ୍ରଦର୍ଶନ କରାଯାଇଥିଲା । ଏ ସମ୍ପର୍କିତ ଏକ ଦାବିପତ୍ର ଜିଲ୍ଲାପାଳଙ୍କୁ ପ୍ରଦାନ କରାଯାଇଛି।
ବାଲେଶ୍ଵରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
