ବାଲେଶ୍ୱର: ଜେଲର ଚାରି କାନ୍ଥ ଭିତରେ ରହି ବି ପରମ୍ପରା ଭୁଲିନାହାଁନ୍ତି ଏମାନେ । ନିଜ ସତ୍ୟବାନଙ୍କ ଶୁଭ ମନାସୀ ସାବିତ୍ରୀ ବ୍ରତ ପାଳନ କରିଛନ୍ତି ବାଲେଶ୍ବର କାରାଗାରରେ ରହିଥିବା ସାବିତ୍ରୀମାନେ। ଏଥିପାଇଁ ଜେଲ ଅଧିକାରୀ ବି ସ୍ବତନ୍ତ୍ର ପ୍ରସ୍ତୁତି କରିଥିବା ଦେଖିବାକୁ ମିଳିଛି ।
ଭିଡିଓ ସୌଜନ୍ୟ- ସମ୍ବାଦଦାତା, ବାଲେଶ୍ବର
ଅନ୍ତେବାସିନୀମାନେ ପାଖରେ ଥିବା ମନ୍ଦିରକୁ ଯାଇ ସାବିତ୍ରୀ ପୂଜା କରିଛନ୍ତି । ଏଥିପାଇଁ ଜେଲ ଅଧିକାରୀ ସେମାନଙ୍କୁ ଶାଢ଼ୀ, ଚୁଡି ସହିତ ସମସ୍ତ ପୂଜା ସାମଗ୍ରୀ ଦେଇଛନ୍ତି । ସ୍ବାମୀଙ୍କ ଠାରୁ ଦୂରରେ ରହି ବି ସେମାନଙ୍କ ମଙ୍ଗଳ କାମନା କରିଛନ୍ତି । ଏଥିସହ ଆଜିର ଦିନରେ ବାହାରକୁ ଯାଇ ବାହ୍ୟ ସମାଜର ବାତାବରଣକୁ ଏମାନେ ଅନୁଭବ କରି ଭାବପ୍ରବଣ ହୋଇପଡିଛନ୍ତି ।
ଏପରି ସୁଯୋଗ ଓ ସାହାଯ୍ୟ ଅନ୍ତେବାସୀ ମାନସିକତାରେ ପରିବର୍ତ୍ତନ କରିବାକୁ ସାହାଯ୍ୟ କରିବ ବୋଲି ଜେଲ ସୁପରିଟେଣ୍ଡେଣ୍ଟ କୁଳମଣି ବେହେରା କହିଛନ୍ତି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
