ବାଲେଶ୍ବର: ପ୍ରତିଶ୍ରୁତି ମିଳିବା ପରେ ଧାରଣାରୁ ଓହରିଲେ କେନ୍ଦ୍ରମନ୍ତ୍ରୀ ପ୍ରତାପ ଷଢଙ୍ଗୀ । ବାଲେଶ୍ବର ମେଡିକାଲ ଅବ୍ୟବସ୍ଥା ନେଇ ବୁଧବାର ଧାରଣାରେ ବସିଥିଲେ କେନ୍ଦ୍ରମନ୍ତ୍ରୀ ।
ଧାରଣାରୁ ଓହରିଲେ କେନ୍ଦ୍ରମନ୍ତ୍ରୀ ପ୍ରତାପ ଷଢଙ୍ଗୀ
ବାଲେଶ୍ବର ମେଡିକାଲରେ ଡାକ୍ତର ରୋଗୀଙ୍କୁ ପଇସା ମାଗିବା, ନର୍ସିଂହୋମରେ ଚିକିତ୍ସା ପାଇଁ ପରାମର୍ଶ ଦେବା, ରୋଗୀଙ୍କ ପାଇଁ ଉଦ୍ଦିଷ୍ଟ ବେଡସିଟ ନ ବଦଳାଇବା, ମେଡିକାଲ ମ୍ୟାନେଜରଙ୍କ କାର୍ଯ୍ୟରେ ଅବହେଳା ଭଳି ଅଭିଯୋଗ କରି ଧାରଣା ଦେଇଥିଲେ ମନ୍ତ୍ରୀ । ଖବର ପାଇ ଧାରଣାସ୍ଥଳରେ ଜିଲ୍ଲାପାଳ, ଆଡ଼ିସିନାଲ ଏସପି, ସିଡ଼ିଏମଓ, ମେଡିକାଲ କଲେଜ ଅଧିକ୍ଷକ ପହଞ୍ଚିଥିଲେ। ଏହା ପରେ ମନ୍ତ୍ରୀ ସେମାନଙ୍କୁ ହସ୍ପିଟାଲର ପରିଦର୍ଶନ କରାଇ ସତ୍ୟତା ଦେଖାଇଥିଲେ । ମନ୍ତ୍ରୀ କରିଥିବା ଅଭିଯୋଗ ଉପରେ କାର୍ଯ୍ୟାନୁଷ୍ଠାନ ନେବାକୁ ପ୍ରତିଶ୍ରୁତି ମିଳିବା ପରେ ବୁଧବାର ବିଳମ୍ବିତ ରାତିରେ ସେ ଧାରଣା ପ୍ରତ୍ୟାହୃତ କରିଥିଲେ ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
