ବାଲେଶ୍ବର: ଅର୍ଥ ଓ କର୍ପୋରେଟ୍ ବ୍ୟାପାର ମନ୍ତ୍ରୀ ନିର୍ମଳା ସୀତାରମଣଙ୍କୁ ଭେଟିଲେ ବାଲେଶ୍ଵର ସାଂସଦ ତଥା ପୂର୍ବତନ କେନ୍ଦ୍ରମନ୍ତ୍ରୀ ପ୍ରତାପ ଚନ୍ଦ୍ର ଷଡଙ୍ଗୀ । ବାଲେଶ୍ୱରରେ LICର ଏକ ଡିଭିଜନାଲ୍ ଅଫିସ୍ ଖୋଲିବା ପାଇଁ ମନ୍ତ୍ରୀଙ୍କୁ ନିବେଦନ କରିଛନ୍ତି ସାଂସଦ ।
ଜିଲ୍ଲା ନୀଳଗିରିରେ ଏକ ସାଟେଲାଇଟ ସେଣ୍ଟର ଖୋଲିବା ପାଇଁ ପୂର୍ବରୁ ପ୍ରତାପ ନିର୍ମଳାଙ୍କ ନିକଟରେ ଅନୁରୋଧ କରିଥିଲେ । ବର୍ତ୍ତମାନ ଏହା ବିଷୟରେ ଆଲୋଚନା କରିବା ସହ ଏଥିପାଇଁ ଅନୁମତି ପ୍ରଦାନ କରିଥିବାରୁ ଧନ୍ୟବାଦ ଜ୍ଞାପନ କରିଥିଲେ । ଏହାସହ ଆଗାମୀ ଦିନରେ ବାଲେଶ୍ଵରରେ LICର ଏକ ଡିଭିଜନାଲ୍ ଅଫିସ୍ ଖୋଲିବା ପାଇଁ ଅନୁରୋଧ କରିଛନ୍ତି ।
ବାଲେଶ୍ଵରରେ ମେଡିକାଲ୍ କଲେଜ୍, ବିଶ୍ୱବିଦ୍ୟାଳୟ, ଅନେକ ବ୍ୟାଙ୍କର Regional Office, ଅନେକ Insurance Companyର ଶାଖା, ଜଳପଥ, ସ୍ଥଳପଥ ଓ ରେଳପଥ ମାଧ୍ୟମରେ ଉତ୍ତମ ଯୋଗାଯୋଗ ଥିବା ଯୋଗୁଁ ଏଠାରେ ଡିଭିଜନାଲ୍ ଅଫିସ୍ ହେଲେ କାର୍ଯ୍ୟଦକ୍ଷତା ବୃଦ୍ଧି ହେବ ବୋଲି ମନ୍ତ୍ରୀଙ୍କ ନିକଟରେ ମତ ଉପସ୍ଥାପନ କରିଛନ୍ତି ସାଂସଦ ପ୍ରତାପ ଷଡଙ୍ଗୀ । ନିର୍ମଳା ଏହି ପ୍ରସଙ୍ଗକୁ ଗୁରୁତର ସହ ନେବେ ବୋଲି ପ୍ରତିଶୃତି ଦେଇଥିବା ଜଣାପଡ଼ିଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
