ବାଲେଶ୍ବର: କେନ୍ଦ୍ରାପଡା ପରେ ବାଲେଶ୍ବରରେ ନିର୍ବାଚନୀ ପ୍ରଚାର ପାଇଁ ପହଞ୍ଚିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଦିନ ପ୍ରାୟ 1.30ରେ ପ୍ରଧାନମନ୍ତ୍ରୀ ସ୍ବତନ୍ତ୍ର ହେଲିକପ୍ଟର ଯୋଗେ ପହଞ୍ଚିବା ପରେ ସେଠାରେ କେନ୍ଦ୍ରମନ୍ତ୍ରୀ ଧମେନ୍ଦ୍ର ପ୍ରଧାନ, ବସନ୍ତ ପଣ୍ଡାଙ୍କ ସମେତ ବହୁ ପ୍ରମୁଖ ନେତା ଉପସ୍ଥିତ ରହି ସ୍ବାଗତ ଜଣାଇଥିଲେ ।
ବାଲେଶ୍ବର ଗସ୍ତରେ ରାଜ୍ୟସରକାରଙ୍କୁ ଜୋରଦାର ସମାଲୋଚନା କରିଛନ୍ତି ମୋଦି । ବିଜେଡି ଭ୍ରଷ୍ଟାଚାର ଭଳି ଦାନବକୁ ଦାନାପାଣି ଯୋଗାଉଛି । ରାଜ୍ୟରେ କୋଇଲା ଦୁର୍ନିତି ଠାରୁ ଆରମ୍ଭ କରି ଚିଟ୍ଫଣ୍ଡ, ପିସି ଜୋରଦାର ଚାଲିଛି ବୋଲି କହିଥିଲେ ମୋଦି ।
ଆଜି ଭାରତ ସମଗ୍ର ଦେଶରେ ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିଛି। କେବଳ ଜଳ, ସ୍ଥଳ, ଆକାଶ ନୁହେଁ ବରଂ ଅନ୍ତରୀକ୍ଷରେ ମଧ୍ୟ ଭାରତ ଶକ୍ତିଶାଳୀ ହୋଇ ପାରିଛି ବୋଲି ନିଜ ଅଭିଭାଷଣରେ କହିଥିଲେ । ସେପଟେ ପ୍ରଧାନମନ୍ତ୍ରୀଙ୍କ ଆଗମନକୁ ନେଇ ଲୋକଙ୍କ ମଧ୍ୟରେ ଉତ୍ସାହିତ ହୋଇ ପଡିଥିଲେ । ମୋଦି ମୋଦି ନାରାରେ ପ୍ରକମ୍ପିତ ହୋଇଉଠିଥିଲା ସାରା ପରିବେଶ ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
