ବାଲେଶ୍ବର: ଆଧୁନିକ ଯୁଗରେ ବି ଅନ୍ଧବିଶ୍ବାସର ବଶବର୍ତ୍ତୀ ମନୁଷ୍ୟ। ପ୍ରଥା ପରମ୍ପରା ନାଁରେ ସମାଜକୁ ଦେଉଛି କୁସଂସ୍କାରର ବାର୍ତ୍ତା । ଫଳରେ ସାପ କାମୁଡ଼ା ରୋଗୀଙ୍କୁ ମେଡିକାଲରେ ଚିକିତ୍ସା ପରିବର୍ତ୍ତେ ଚାଲିଛି ଝଡାଫୁଙ୍କା । ତାହା ପୁଣି ଜଣେ ଗୁଣିଆଙ୍କ ସହ ଭିଡିଓ କଲ ମାଧ୍ୟମରେ । ଏଭଳି ଘଟଣା ସାମ୍ନାକୁ ବାଲେଶ୍ବର ସୋର ବ୍ଲକ ତଳନଗର ଅଞ୍ଚଳରୁ ।
ଉକ୍ତ ଅଞ୍ଚଳର ଜୈନିକା ମହିଳାଙ୍କୁ ସାପ କାମୁଡିବା ପରେ ପରିବାର ଲୋକେ ତାଙ୍କୁ ସୋର ଡାକ୍ତରଖାନା ନେଇଥିଲେ। ହେଲେ ସେଠାରେ ତାଙ୍କୁ ଚିକିତ୍ସା କରାଇବା ପରିବର୍ତ୍ତେ ଜଣେ ଗୁଣିଆ ଭିଡିଓ କଲ ମାଧ୍ୟମରେ ତାଙ୍କୁ ଝଡାଫୁଙ୍କା କରିବା ଆରମ୍ଭ କରିଦେଇଥିଲେ । ତେବେ ସାପ କାମୁଡ଼ା ରୋଗୀଙ୍କୁ ତୁରନ୍ତ ମେଡିକାଲ ଚିକିତ୍ସା ନଯୋଗାଇ ଝଡାଫୁଙ୍କା କରିବା ଲୋକଙ୍କ ଅନ୍ଧବିଶ୍ବାସକୁ ପୁଣି ସାମ୍ମାକୁ ଆଣିଛି । ବାରମ୍ବାର ଅନ୍ଧବିଶ୍ବାସରୁ ଦୂରେଇବା ପାଇଁ ସଚେତନ କରାଉଥିଲେ ମଧ୍ୟ ପୁଣି ଏମିତି ଘଟଣା ଘଟିବା ଲୋକଙ୍କ ମଧ୍ୟରେ ସଚେତନତା ଅଭାବକୁ ହିଁ ଦର୍ଶାଉଛି।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
