ବାଲେଶ୍ଵର: ଜଳେଶ୍ବର ପୋଲିସ ଚଢାଉ କରି 10 ଲକ୍ଷ ମୂଲ୍ୟର ବ୍ରାଉନସୁଗାର ଜବତ କରିବା ସହ 3 ଜଣଙ୍କୁ ଗିରଫ କରିଛି । ସୂଚନାନୁସାରେ, ଜଳେଶ୍ବରରୁ ପୁରୀ ଅଭିମୁଖେ ଏକ ଇଣ୍ଡିଗୋ କାରରେ ବ୍ରାଉନ ସୁଗାର ଚାଲାଣ ହେଉଥିବା ପୋଲିସ ଖବର ପାଇଥିଲା । ଶେଖଶରାଇ ଛକ ଠାରେ ଚଢାଉ କରି ୧୦୦ ଗ୍ରାମ ବ୍ରାଉନ ସୁଗାର ସହ ଗୋଟିଏ ଇଣ୍ଡିଗୋ କାର ଓ ନଗଦ ୩ ଲକ୍ଷ ୧୪ ହଜାର ଟଙ୍କା ଜବତ କରିଛି ପୋଲିସ ।
10 ଲକ୍ଷ ଟଙ୍କାର ବ୍ରାଉନସୁଗାର ଜବତ
ଏହାସହ ୩ ଜଣ ବ୍ୟବସାୟୀଙ୍କୁ ଗିରଫ କରାଯାଇଛି । ଗିରଫ ମାନଙ୍କ ମଧ୍ୟରୁ ୨ ଜଣ ପୁରୀ ଜିଲ୍ଲା ନରେନ୍ଦ୍ରକଣା ଗ୍ରାମର ଶ୍ରୀଧର ନାୟକ ଓ ଲୁଟି ଦରା ହୋଇଥିବା ବେଳେ ଅନ୍ୟ ଜଣେ ଜଳେଶ୍ଵର ଥାନା ରାଜପୁର ଗ୍ରାମର ଦେବାଶିଷ ମହାନ୍ତି ଓରଫ(ଅଜୁ) । ରାଜପୁର ଗ୍ରାମର ସେଖ୍ ସପିଉଦ୍ଦିନ ଘଟଣା ସ୍ଥଳରୁ ଚମ୍ପଟ ମାରିଥିବା ଜଣାପଡିଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
