ବାଲେଶ୍ବର: ଔପଦା ଅଞ୍ଚଳରେ ଶୁଦ୍ଧିକ୍ରିୟା ଭୋଜି ଖାଇ ଜଣେ ମୃତ ଓ 15 ଜଣ ଅସୁସ୍ଥ । ତେବେ ସମସ୍ତ ଗୁରୁତର ଚିକିତ୍ସାଧିନ ଥିବାବେଳେ କଟିଆ ସିଂଙ୍କ ମୃତ୍ୟୁ ହୋଇଛି । ଏହା ସହ ସାଗର ନାମକ ଜଣେ ଯୁବକଙ୍କୁ କଟକ ସ୍ଥାନାନ୍ତର କରାଯାଇଥିବା ଜଣାପଡିଛି । ଗୁରୁତରଙ୍କୁ ଖନ୍ତାପଡା ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା । ଏହା ପରେ 10 ଜଣଙ୍କ ସ୍ବାସ୍ଥ୍ୟବସ୍ଥା ସଙ୍କଟାପନ୍ନ ହେବାରୁ ତାଙ୍କୁ ବାଲେଶ୍ବର ଚିକିତ୍ସାଳୟକୁ ସ୍ଥାନାନ୍ତର କରାଯାଇଥିଲା । ସେପଟେ ଈଶ୍ବରପୁରରୁ ମେଡିକାଲ ଗୋଷ୍ଠୀର 3 ଜଣ ଆସି ଘଟଣାର ତଦନ୍ତ ଲାଗି ଗାଁରେ ଆସି ପହଞ୍ଚିଛନ୍ତି ।
ଔପଦ ବ୍ଲକ ଦକ୍ଷିଣନରସିଂହପୁର ପଞ୍ଚାୟତ ବାଇଗଡିଆ ଗାଁର ଦେବେନ୍ଦ୍ରି ସିଂଙ୍କ ବାପା ଘର ଶୁଦ୍ଧିକ୍ରିୟା ଭୋଜି ଦିଆଯାଇଥିଲା । ଯେଉଁଥିରେ ଭୋଜି ଖାଇବାକୁ ଆସି 15 ଜଣଙ୍କ ଝାଡାବାନ୍ତିରେ ଆକ୍ରାନ୍ତ ହୋଇଥିଲେ ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
