ବାଲେଶ୍ବର : ସଦର ମହକୁମାରେ ପ୍ରାକୃତିକ ବିପର୍ଯ୍ୟୟ ପ୍ରଶମନ ଦିବସ ପାଳିତ ହୋଇଯାଇଛି । ଏହି ଅବସରରେ NDRF, ODRAF ଓ FIRE ବିଭାଗ ପକ୍ଷରୁ ପ୍ରାକୃତିକ ବିପର୍ଯ୍ୟୟ କିପରି ମୁକାବିଲା କରାଯାଇ ପାରିବ । ସେହି ବିଷୟରେ ଛାତ୍ରଛାତ୍ରୀ ମାନଙ୍କୁ ଡେମୋ ମାଧ୍ୟମରେ ତାଲିମ ଦିଆଯାଇଛି ।
ପ୍ରାକୃତିକ ବିପର୍ଯ୍ୟୟ ପରେ ସହାୟତାର କାର୍ଯ୍ୟ ପାଇଁ ଏନଡିଆରଏଫ, ଅଗ୍ନିଶମ, ଓଡ୍ରାଫକୁ ଡକାଯାଇଥାଏ । ପ୍ରାକୃତିକ ଦୁର୍ବିପାକ ତାହା ନୁହେଁ ସମସ୍ତ ପ୍ରକାର ଘଟଣା ଦୁର୍ଘଟଣା ବେଳେ ଏନଡିଆରଏଫ ଓ ଅଗ୍ନିଶମ, ଓଡ୍ରାଫ କର୍ମଚାରୀଙ୍କୁ ଉଦ୍ଧାର କାର୍ଯ୍ୟ ପାଇଁ ନିୟୋଜିତ କରାଯାଇଥାଏ । ପ୍ରାକୃତିକ ବିପର୍ଯ୍ୟୟ ସମୟରେ କିଭଳି ସହାୟତା କରିବାକୁ ହୁଏ ,କେଉଁ ପ୍ରକାରର ସାମଗ୍ରୀ ବ୍ୟବହାର କରାଯାଏ । ସେ ସମ୍ପର୍କରେ ବିଭାଗୀୟ ଅଧିକାରୀ ମାନେ ସ୍କୁଲ ଛାତ୍ରଛାତ୍ରୀ ମାନଙ୍କୁ ବୁଝାଇଛନ୍ତି ।
1999 ମହାବାତ୍ୟା ପୂର୍ବରୁ ଏଭଳି ବ୍ୟବସ୍ଥା ନ ଥିବାରୁ ବହୁଲୋକଙ୍କ ଜୀବନ ହାନି ଘଟିଥିଲା ବୋଲି ଜିଲ୍ଲାପାଳ କେ.ସୁଦର୍ଶନ ଚକ୍ରବର୍ତ୍ତୀ କହିଛନ୍ତି । ଜନସାଧାରଣ ସଚେତନ ହେଲେ କ୍ଷୟ କ୍ଷତି କମାଯାଇ ପାରିବ ବୋଲି NDRF ଇନ୍ସପେକ୍ଟର ଉଦୟ ଶଙ୍କର ପ୍ରସାଦ କହିଛନ୍ତି । ଏହି କାର୍ଯ୍ୟକ୍ରମରେ ବିଭିନ୍ନ ସ୍କୁଲର ଛାତ୍ର ଛାତ୍ରୀ, ଅତିରିକ୍ତ ଜିଲ୍ଲାପାଳ ସମ୍ବିତ ନାୟକ, ଉପ ଜିଲ୍ଲାପାଳ ନିଲୁ ମହାପାତ୍ର, ଜିଲ୍ଲା ଜରୁରକାଳୀନ ଅଧିକାରୀ ଅଭୟ କୁମାର ନାୟକ, ଅଗ୍ନିଶମ ଅଧିକାରୀ ପୋରେନ ସୋରେନ ପ୍ରମୁଖ ସାମିଲ ଥିଲେ ।
ବାଲେଶ୍ବରରୁ ଜୀବନଜ୍ୟୋତି ନାୟକ,ଇଟିଭି ଭାରତ
