ବାଲେଶ୍ବର: ଘରୋଇ କଳିର କରୁଣ ପରିଣିତି । ଯିଏ ଦଶମାସ ଗର୍ଭରେ ଧରି ଜନ୍ମ ଦେଲା ସେ ନିଜ ହାତରେ ଛୁଆକୁ ମାରିବାକୁ ଉଦ୍ୟମ ଘଟଣା ସ୍ଥାନୀୟରେ ଚାଞ୍ଚଲ୍ୟ ସୃଷ୍ଟି କରିଛି । ନିଜର ଦୁଇଟି ପିଲାଙ୍କୁ ବିଷ ଦେବା ସହ ନିଜେ ମା’ ବିଷ ପିଇଛି । ଏପରି ଘଟଣା ଘଟିଛି ବାଲେଶ୍ବର ଜିଲ୍ଲା ତଳନଗର ପଞ୍ଚାୟତ ଗଣ୍ଡତରା ଗାଁରେ ।
ଦୁଇ ଶିଶୁଙ୍କୁ ବିଷ ଦେଇ ବିଷ ପିଇଲା ମା
ସୂଚନାଅନୁସାରେ, ଗଣ୍ଡତରା ଗାଁର ଅତୁଲ ମହାକୁଡଙ୍କ ସ୍ତ୍ରୀ ଶୁଭଲକ୍ଷ୍ମୀ ଘରୋଇ କଳିରୁ ନିଜର ଦେଢ ବର୍ଷର ଦୁଇ ଯାଆଁଳା ଶିଶୁପୁତ୍ରଙ୍କୁ ବିଷ ଦେବା ସହ ନିଜେ ବିଷ ପିଇଛନ୍ତି । ସେମାନଙ୍କ ଅବସ୍ଥା ଗୁରୁତର ହେବାରୁ ପରିବାର ଲୋକ ସେମାନଙ୍କୁ ସୋର ମେଡିକାଲରେ ଭର୍ତ୍ତି କରିଥିଲେ । ସେଠାରେ ଉଭୟ ମା ଓ ଶିଶୁଙ୍କ ଅବସ୍ଥା ସଂଙ୍କଟାପନ୍ନ ହେବାରୁ ତାଙ୍କୁ ବାଲେଶ୍ବର ମେଡିକାଲକୁ ସ୍ଥାନାନ୍ତରଣ କରାଯାଇଛି । ମହିଳାଙ୍କ ଏପରି ନିଷ୍ପତ୍ତି ସ୍ଥାନୀୟରେ ଚାଞ୍ଚଲ୍ୟ ସୃଷ୍ଟି କରିଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
