ବାଲେଶ୍ବର: କଣ୍ଟ୍ରାକ୍ଟର୍ସ କ୍ଲବର ସର୍କଲସ୍ତରୀୟ ଦ୍ଵିତୀୟ ବାର୍ଷିକୀ ସମ୍ମିଳନୀ ବାମପଦା ସ୍ଥିତ ନୋସି ବିଜିନେସ ପାର୍କରେ ଅନୁଷ୍ଠିତ ହୋଇଯାଇଛି । ମୟୂରଭଞ୍ଜ, ବାଲେଶ୍ବର ଓ ଭଦ୍ରକ ଜିଲ୍ଲାର କଣ୍ଟ୍ରାକ୍ଟରମାନଙ୍କୁ ନେଇ ହୋଇଛି ଏହି ସମ୍ମିଳନୀ । ଏହି ସମ୍ମିଳନୀରେ ମୁଖ୍ୟ ଅତିଥି ଭାବେ ଓଡ଼ିଶା ଗ୍ରାମ୍ୟ ଉନ୍ନୟନ ବିଭାଗର ପୂର୍ବତନ ସଚିବ ପ୍ରବୀର କୁମାର ପ୍ରଧାନ ଓ ମୁଖ୍ୟ ବକ୍ତା ଭାବେ କବି ତଥା ସାହିତ୍ୟିକ ପ୍ରଶାନ୍ତ ଦାସ ଯୋଗଦେଇ କାର୍ଯ୍ୟକ୍ରମକୁ ଉଦଘାଟନ କରିଛନ୍ତି ।
ଦେଶରେ ପ୍ରାଇମେରୀ ସ୍କୁଲ ଠାରୁ ପାର୍ଲାମେଣ୍ଟ ପର୍ଯ୍ୟନ୍ତ, ଗାଁ ଠାରୁ ସହର ପର୍ଯ୍ୟନ୍ତ ରାଷ୍ଟ୍ର ନିର୍ମାଣରେ ଓ ରାଷ୍ଟ୍ରର ବିକାଶ କ୍ଷେତ୍ରରେ କଣ୍ଟ୍ରାକ୍ଟରମାନଙ୍କର ବଡ଼ ସହଭାଗିତା ରହିଛି ବୋଲି ଅତିଥିମାନେ ମତବ୍ୟକ୍ତ କରିଛନ୍ତି । କଣ୍ଟ୍ରାକ୍ଟର୍ସ କ୍ଲବର ସର୍କଲ ସଭାପତି ଆଦିତ୍ୟ କୁମାର ଖୁଣ୍ଟିଆ ସଂଗଠନର ଲକ୍ଷ୍ୟ ଓ ଉଦ୍ଦେଶ୍ୟ ସମ୍ପର୍କରେ ବକ୍ତବ୍ୟ ଦେଇଥିଲେ ।
ବାଲେଶ୍ବର ଜିଲ୍ଲା ସଭାପତି ଦୀପ୍ତିକାନ୍ତ ମହାପାତ୍ର, ଉଦଳା ଏବଂ କପ୍ତିପଦା କଣ୍ଟ୍ରାକ୍ଟର୍ସ ଆସୋସିଏସନ ସଭାପତି ପୂର୍ଣ୍ଣଚନ୍ଦ୍ର ବିଶ୍ବାଳ ଓ ମୟୁରଭଞ୍ଜ କଣ୍ଟ୍ରାକ୍ଟର ଆସୋସିଏସନ ମୁରାରିଲାଲ ଶର୍ମା ପ୍ରମୁଖ ଯୋଗଦେଇଛନ୍ତି । କଣ୍ଟ୍ରାକ୍ଟରମାନେ ନିଜ କାର୍ଯ୍ୟକ୍ଷେତ୍ରରେ ସାମନା କରୁଥିବା ବିଭିନ୍ନ ସମସ୍ୟା ଓ ତାର ସମାଧାନ କିପରି ହେବ ସେ ସମ୍ପର୍କରେ ଆଲୋଚନା କରିଛନ୍ତି । ଏହି ଅବସରରେ କଣ୍ଟ୍ରାକ୍ଟର୍ସ କ୍ଲବର ମୁଖପତ୍ର 'ନିର୍ମାଣ' ଅତିଥିମାନଙ୍କ ଦ୍ବାରା ଉନ୍ମୋଚିତ ହୋଇଛି । କ୍ଲବ ପକ୍ଷରୁ ଏକ ରକ୍ତଦାନ ଶିବିର ମଧ୍ୟ ଅନୁଷ୍ଠିତ ହୋଇଥିଲା ।
ବାଲେଶ୍ବରରୁ ଜୀବନଜ୍ୟୋତି ନାୟକ , ଇଟିଭି ଭାରତ
