ବାଲେଶ୍ବର : ଏକ ତରଫା ପ୍ରେମରେ ନାବାଳିକାର ଗଳା କାଟିବା ଘଟଣା । ଏହି ଘଟଣାରେ 4 ଅଭିଯୁକ୍ତଙ୍କୁ ଗିରଫ କରିଛି ପୋଲିସ । ଗିରଫ ଅଭିଯୁକ୍ତମାନେ ହେଲେ ସଂଜୀବ ବେହେରା, ଦୁର୍ଯ୍ୟୋଧନ ଦଳେଇ, ରୋହିତ ରାଓ ଏବଂ ମାନସ ରଞ୍ଜନ ପୋଥାଳ।
ସୂଚନା ଅନୁସାରେ, ଗତ ଦୁଇ ତାରିଖ ସନ୍ଧ୍ୟାରେ ସହଦେଵଖୁଣ୍ଟା ଥାନା ଅଧିନ ସେଲସଟେକ୍ସ କଲୋନୀ ନିକଟରେ ନାବାଳିକା ଜଣଙ୍କ ଘରକୁ ଫେରୁଥିବାବେଳେ ତାଙ୍କୁ ଅଟକାଇ ସଞ୍ଜୀବ ପ୍ରେମ ନିବେଦନ କରିଥିଲେ। ଏକ ତରଫା ପ୍ରେମରେ ବିଫଳ ହେବାପରେ ସଞ୍ଜୀବ ଓ ତାଙ୍କ ସହଯୋଗୀମାନେ ନାବାଳିକାର ଗଳା ଏକ ଧାରୁଆ ଅସ୍ତ୍ରରେ କାଟି ଦେଇଥିଲେ । ଗୁରୁତର ଅବସ୍ଥାରେ ନାବାଳିକାଙ୍କୁ ବାଲେଶ୍ଵର ମେଡିକାଲରେ ଭର୍ତ୍ତି କରାଯାଇଥିଲା। ଘଟଣାର ତଦନ୍ତ କରି ପୋଲିସ 4ଜଣଙ୍କୁ ଗିରଫ କରିବା ସହ ଏକ ଛୁରୀ ଓ ଦୁଇଟି ବାଇକ ଜବତ କରିଛି ।
ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ
