ବାଲେଶ୍ବର: ଖଇରା ବ୍ଲକରେ ଏକ ଅଭାବନୀୟ ଘଟଣାରେ ସମଗ୍ର ଅଞ୍ଚଳରେ ଶୋକର ଛାୟା ଖେଳିଯାଇଛି । ଖେଳୁଥିବା ସମୟରେ ଅନ୍ୟମନସ୍କ ହେତୁ ପୋଖରୀରେ ବୁଡି ଯାଇ 8 ବର୍ଷର ନାବାଳକ(ଓମ୍) ପ୍ରାଣ ହରାଇଥିବା ଜଣାପଡିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ସୂଚନା ଅନୁସାରେ, ଖଇରା ବ୍ଲକ ଅଚ୍ୟୁତପୁର ଗ୍ରାମର ଅକ୍ଷୟ କୁମାର ସାହୁଙ୍କ ପୁଅ ଓମ ପ୍ରକାଶ ସାହୁ( 8) ସାଙ୍ଗ ମାନଙ୍କ ସହ ଖେଳୁଥିଲା । ଅସାବଧାନତା ବଶତଃ ଓମ୍ ପାଖରେ ଥିବା ଏକ ପୋଖରୀରେ ପଡ଼ି ଯାଇଥିଲା । ଓମ୍ ପୋଖରୀରେ ବୁଡି ଯାଉଥିବା ଦେଖି ସାଙ୍ଗମାନେ ଘର ଲୋକଙ୍କୁ ଖବର ଦେଇଥିଲେ ।
ଏହାପରେ ପରିବାର ଲୋକେ ପୋଖରୀରୁ ଓମ୍କୁ ଉଦ୍ଧାର କରି ତୁଡିଗଡ଼ିଆ ମେଡିକାଲକୁ ନେଇଥିଲେ। ସେଠାରେ ଅବସ୍ଥା ସଂକଟାପନ୍ନ ହେବାରୁ ସୋର୍ ମେଡିକାଲକୁ ସ୍ଥାନାନ୍ତର କରାଯାଇଥିଲା । ସୋର ମେଡିକାଲରେ ଡାକ୍ତର ଓମଙ୍କୁ ମୃତ ଘୋଷଣା କରିଥିଲେ । ମୃତ ଓମ ତୁଡିଗଡ଼ିଆ ସ୍ଥିତ ସରସ୍ବତୀ ଶିଶୁ ମନ୍ଦିରରେ ପଢୁଥିଲେ ବୋଲି ଜଣାପଡିଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
