ବାଲେଶ୍ବର: ସାପକୁ କାମୁଡିଲା ମଣିଷ । ଏଭଳି ଏକ ଘଟଣା ବାଲେଶ୍ଵର ଜିଲ୍ଲାରେ । ସାପ କାମୁଡିଲା ବୋଲି ସାପକୁ କାମୁଡି ମାରିଦେଲେ ଜଣେ ବ୍ୟକ୍ତି (man bite snake in revenge bid) । ଏମିତିକି ମଲା ସାପକୁ ବେକରେ ଗୁଡାଇ ବ୍ୟକ୍ତି ଜଣକ ବୁଲୁଥିବାର ଭିଡିଓ ଏବେ ଭଆଇରାଲ ହେବାରେ ଲାଗିଛି।
ସୂଚନା ମୁତାବକ, ବାଲେଶ୍ବର ଜିଲ୍ଲା ଥାନା ଦରଡ଼ା ଗ୍ରାମର ସଲିଲ ନାମକ ବ୍ୟକ୍ତିଙ୍କୁ ସାପ କାମୁଡିବା ପରେ ସେ ସାପଟିକୁ କାମୁଡି ମାରିଦେଇଥିଲେ । ତେବେ ସଲିମ କ୍ଷେତକୁ ଘାସ କାଟିବାକୁ ଯାଇଥିବା ବେଳେ ସେଠାରେ ତାଙ୍କୁ ଏକ ସାପ କାମୁଡି ଦେଇଥିଲା । ଏନେଇ ସଲିମ ରାଗିଯାଇ ସାପଟିକୁ କାମୁଡି ପକାଇଥିଲେ । ଏତିକିରେ ସଲିମଙ୍କ ରାଗ ଶାନ୍ତି ହୋଇ ନଥିଲା । ବରଂ ସେ ସାପଟିକୁ ବେକରେ ଗୁଡ଼ାଇ ଗାଁ ସାରା ବୁଲିଥିଲେ । ଏହାକୁ ଦେଖି ଲୋକମାନେ ଆଶ୍ଚର୍ଯ୍ୟ ହୋଇଯାଇଥିଲେ । ଏନେଇ ଏହିଭଳି ବିଚିତ୍ର ଘଟଣାର ଭିଡ଼ିଓ ଏବେ ବେଶ ଭାଇରାଲ ହେବାରେ ଲାଗିଛି ।
ଏନେଇ ସଲିମ କହିଛନ୍ତି, "ମୁଁ କ୍ଷେତରେ କାମ କଲାବେଳେ ମୋ ଗୋଡକୁ ଆସି ସାପ କାମୁଡି ଦେଇଥିଲା । ସେଥିପାଇଁ ମୁଁ ମଧ୍ୟ ରାଗିଯାଇ ସାପ ବେକକୁ କାମୁଡି ଦେଇ ତାକୁ ମାରି ଦେଇଛି ।"
ଇଟିଭି ଭାରତ, ବାଲେଶ୍ବର
