ବାଲେଶ୍ବର: ଜିଲ୍ଲା ଅବକାରୀ ମୋବାଇଲ ୟୁନିଟ ପକ୍ଷରୁ ଚଢ଼ାଉ କରାଯାଇ ବିପୁଳ ପରିମାଣର ମଦ ଜବତ କରାଯିବା ସହ 4 ଜଣଙ୍କୁ ଗିରଫ କରାଯାଇଛି । ଏହାସହ ମଦ ଚାଲାଣ ହେଉଥିବା ଏକ ଦାମୀ କାରକୁ ମଧ୍ୟ ଜବତ କରାଯାଇଛି ।
କାରରୁ ବିପୁଳ ମଦ ଜବତ , 4 ଗିରଫ
ମିଳିଥିବା ସୂଚନା ଅନୁସାରେ, ପୁରୁଣା ବାଲେଶ୍ଵର ଅଞ୍ଚଳରୁ ଭଦ୍ରକକୁ ଦେଶୀ ମଦ ଚାଲାଣ ସମ୍ପର୍କରେ ଅବକାରୀ ମୋବାଇଲ ୟୁନିଟ ଖବର ପାଇଥିଲା । ପୁର୍ବ ସୂଚନା ଅନୁସାରେ ବଙ୍କାଖଜୁରୀ ଛକ ନିକଟରେ ଉକ୍ତ ଗାଡିକୁ ଅବକାରୀ ଟିମ ଯାଞ୍ଚ କରିଥିଲା । ଉକ୍ତ ଗାଡିରୁ 350 ଲିଟର ଦେଶୀମଦ ଜବତ କରିଥିଲା ଅବକାରୀ ବିଭାଗ । ଏହି ଘଟଣାରେ 4 ଜଣଙ୍କୁ ଗିରଫ କରାଯିବା ସହ ଉକ୍ତ କାରକୁ ମଧ୍ୟ ଜବତ କରିଛି ଅବକାରୀ ବିଭାଗ ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
