ବାଲେଶ୍ବର: ଚୋରି ହୋଇଥିବା ଶିଶୁ ପୁତ୍ର ଉଦ୍ଧାର ହେବା ସହ ଗ୍ରାମବାସୀଙ୍କ ହାବୁଡରେ ପଡିଲେ ସନ୍ଦିଗ୍ଧ ପିଲା ଚୋର । ଏପରି ଘଟଣା ଦେଖିବାକୁ ମିଳିଛି ବାଲେଶ୍ବର ଜିଲ୍ଲାରେ । ବାଲିଆପାଳ ଥାନା ଛଡା ଗ୍ରାମରେ ଜଣେ ନାବାଳକ ସମେତ 3 ଜଣ ସନ୍ଦିଗ୍ଧ ପିଲାଚୋରଙ୍କୁ ଗ୍ରାମବାସୀ ନିସ୍ତୁକ ମାଡ଼ମାରିବା ସହ ପୋଲିସ ଜିମାରେ ଦେଇଛନ୍ତି ।
ମିଳିଥିବା ସୂଚନା ଅନୁସାରେ, 13 ଦିନ ପୂର୍ବରୁ ସିଂଲା ଥାନା ଅନ୍ତର୍ଗତ ଚକଅର୍ଜୁନି ଗ୍ରାମର ଝୁନି ମାରେଣ୍ତିଙ୍କ 5 ମାସର ଶିଶୁ ପୁତ୍ରକୁ ଘରେ ଶୋଇଥିବାବେଳେ ଦୁବୃର୍ତ୍ତମାନେ ଚୋରି କରି ନେଇ ଯାଇଥିବା ଅଭିଯୋଗ ହୋଇଥିଲା । ଖୋଜାଖୋଜି ପରେ ଶିଶୁପୁତ୍ର ନମିଳିବାରୁ ଝୁନୁ ସିଂଲା ଥାନାରେ ଲିଖିତ ଅଭିଯୋଗ କରିବା ପରେ ପୋଲିସ ତଦନ୍ତ ଆରମ୍ଭ କରିଥିଲା ।
ତେବେ ଗତ ରାତିରେ ଛଡା ଗ୍ରାମରେ ଶିଶୁପୁତ୍ରଟିକୁ ରଖାଯାଇଥିବା ସୂଚନା ମିଳିବା ପରେ ଗ୍ରାମବାସୀ ଶିଶୁପୁତ୍ରକୁ ଉଦ୍ଧାର କରିବା 3 ଜଣ ପିଲା ଚୋରକୁ କାବୁ କରି ହାତଗୋଡ ବାନ୍ଧି ନିସ୍ତୁକ ମାଡ ମାରିଥିଲେ । ସେମାନେ ପିଲା ଚୋରି କରିଥିବା ନେଇ ସ୍ବୀକାର କରିଥିବା ନେଇ ଗ୍ରାମବାସୀଙ୍କ ପକ୍ଷରୁ ସୂଚନା ମିଳିଛି । ଖବର ପାଇ ସିଂଲା ପୋଲିସ ଘଟଣାସ୍ଥଳରେ ପହଞ୍ଚି 3 ଜଣ ଅଭିଯୁକ୍ତଙ୍କୁ ଆଣି ଥାନାରେ ଅଟକ ରଖି ପଚରାଉଚରା ଜାରି ରଖିଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ , ଇଟିଭି ଭାରତ
