ବାଲେଶ୍ଵର : ବାଲେଶ୍ଵରର ବିଭିନ୍ନ ନଦୀରୁ ବେଆଇନ ଭାବେ ବାଲି ଉତ୍ତୋଳନ କରାଯାଉଛି । ଏନେଇ ତହସିଲଦାର ସିତାଂଶୁ ଶେଖର ଦାସଙ୍କ ପାଖରେ ଖବର ପହଞ୍ଚିବା ପରେ ନୂଆଗାଁ ଅଞ୍ଚଳରେ ଚଢ଼ାଉ କରି ବାଲି ଜବତ କରିଥିଲେ । ଅପରାହ୍ନରେ ହଳଦିଆ ଅଞ୍ଚଳରେ ବେଆଇନ ଭାବେ ଗଦା ମରାଯାଇଥିବା ବାଲି ଜବତ କରି ରାଜପଥ କାର୍ଯ୍ୟ ଚାଲିଥିବା ବେଳେ ସେଠାରେ ବ୍ୟବହାର ପାଇଁ ବିକ୍ରି କରିଥିଲେ ।
ବେଆଇନ ବାଲି ଗଦା ଉପରେ ଚଢ଼ଉ
ସମ୍ପୃକ୍ତ ଅର୍ଥରାଶି ସରକାରୀ ତହବିଲରେ ଜମା କରାଯିବ ବୋଲି ଜଣାପଡିଛି । ତେବେ ଜବତ ବାଲି ଆନୁମାନିକ 2 ହଜାର କ୍ୟୁବିକ ମିଟର ବୋଲି ଜଣାପଡିଛି। ଏମିତି ବେଆଇନ ଭାବେ ବାଲି ଗଚ୍ଛିତ ରଖିବା ଓ ଉତ୍ତୋଳନ କରିବା ଦିଗରେ ତହସିଲଦାର ପଦକ୍ଷେପ ନେବେ ବୋଲି କହିଛନ୍ତି ।
ବାଲେଶ୍ଵରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
