ବାଲେଶ୍ବର: ସୋର ପୌରପାଳିକା ଖିରକୋଣି ଗ୍ରାମରେ ମହିଳା ସ୍ବୟଂ ସହାୟକ ଗୋଷ୍ଠୀ ଚୋରା ମଦ ଜବତ କରିଥିବା ନେଇ ସୂଚନା ମିଳିଛି । ମହିଳାମାନେ ମଦ ଜବତ କରି ଜଣେ ବେପାରିକୁ ମଧ୍ୟ ଅଟକ ରଖିଥିବା ଜଣାପଡିଛି ।
ଚୋରା ମଦ ଜବତ କରି ବେପାରିକୁ ଧରାଇଲେ ମହିଳା
ଖିରକୋଣି ଗ୍ରାମରେ କିଛିଦିନ ଧରି ଚୋରା ମଦ ବ୍ୟବସାୟ ବଢି ଚାଲିଥିଲା। ଏହାକୁ ନେଇ ଗ୍ରାମବାସୀମାନେ ବାରମ୍ବାର ଅଭିଯୋଗ କରିଥିଲେ ମଧ୍ୟ କିଛି ସୁଫଳ ମିଳିନଥିଲା । ବାରମ୍ବାର ପ୍ରଶାସନ ପାଖରେ ଅଭିଯୋଗ କରି ବିଫଳ ହେବାପରେ ସ୍ବୟଂ ସହାୟକ ଗୋଷ୍ଠୀର ମହିଳାମାନେ ଚୋରା ମଦ ସହିତ ଜଣେ ମହିଳା ବ୍ୟବସାୟୀକୁ ଅଟକ ରଖି ଅବକାରୀ ବିଭାଗକୁ ଖବର ଦେଇଥିଲେ । ସୋର ଥାନା ଆଇଆଇସି କୁଳମଣି ବେହେରା ଘଟଣା ସ୍ଥଳରେ ପହଞ୍ଚି ମଦ ଜବତ କରିବା ସହ ମହିଳା ବ୍ୟବସାୟୀଙ୍କୁ ଗିରଫ କରିଥିବା ଜଣାପଡିଛି ।
ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ
