ବାଲେଶ୍ବର: ଚୋରା ଚାଲାଣ ବେଳେ ଜବତ ହେଲା ବିପୁଳ ପରିମାଣର ଦେଶୀ ମଦ। ଅବକାରୀ ବିଭାଗ ଓ ରାଇବଣିଆ ପୋଲିସ ଚଢାଉ କରି ଜବତ କରିଛି ବ୍ୟାପକ ଦେଶୀ ମଦ ବର୍ତ୍ତି ବସ୍ତା । ଏଥିସହ ଜଣେ ବେପାରୀଙ୍କୁ ପୋଲିସ ଅଟକ ରଖି ପଚରାଉଚରା ଜାରି ରଖିଛି ।
ବିପୁଳ ମଦ ଭର୍ତ୍ତି ଗାଡି
ସୂଚନା ଅନୁସାରେ ପଶ୍ଚିମବଙ୍ଗ ନୟାଗ୍ରାମରୁ ଏକ ପିକ୍ଅପ୍ ଭ୍ୟାନରେ ମଦ ଭର୍ତ୍ତି ହୋଇ ଓଡିଶା ଆସୁଥିଲା। ଜଳେଶ୍ବର ଗୁରୁଦାସପୁର ଠାରେ କିଛି ଲୋକ ଭ୍ୟାନ ଅଟକାଇ ସେଥିରୁ ମଦ ଲୁଟ କରୁଥିବା ଅଭିଯୋଗ ହୋଇଛି। ଅବକାରୀ ବିଭାଗ ଓ ରାଇବଣିଆ ପୋଲିସ ଘଟଣା ସମ୍ପର୍କରେ ଖବର ପାଇ ସେଠାରେ ପହଞ୍ଚିଥିଲେ। ମଦ ଭର୍ତ୍ତି ଭ୍ୟାନ ସହ ମଦ ଜବତ କରିଛି ପୋଲିସ । ପଶ୍ଚିମବଙ୍ଗର ନୟାଗ୍ରାମର ଅମିତ ପାତ୍ର ନାମକ ଜଣେ ଯୁବକକୁ ପୋଲିସ ଅଟକ ରଖିଥିବା ଜଣାପଡିଛି। ତେବେ ପିକ୍ଅପ୍ ଭ୍ୟାନରେ ମୋଟ 42ଟି ମଦ ଭର୍ତି ବସ୍ତାରେ 4ହଜାର ଲିଟରରୁ ଅଧିକ ଦେଶୀ ମଦ ଥିବା ବେଳେ ଅବକାରୀ ବିଭାଗ 10ଟି ବସ୍ତାରୁ ଏକ ହଜାର ଲିଟର ମଦ ଜବତ କରିଥିବା ଜଣାପଡିଛି।
ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ
