ବାଲେଶ୍ଵର: ଜିଲ୍ଲା ସୋର ଅଞ୍ଚଳର ଏକ ବିଦ୍ୟାଳୟରେ ବିଦ୍ୟୁତ ତାର ସଂସ୍ପର୍ଶରେ ଆସି ପ୍ରଧାନ ଶିକ୍ଷକ ଓ ଦୁଇ ଛାତ୍ର ଗୁରୁତର ହୋଇଛନ୍ତି । ସୋର ପୌରପାଳିକା 19 ନଂ ୱାର୍ଡ ତେଲିଆଗଞ୍ଜ ନଛିପୁର ପ୍ରାଥମିକ ବିଦ୍ୟାଳୟ ଏଭଳି ଏକ ଅଘଟଣ ଘଟିଛି । ଦୁଇ ଛାତ୍ର ଓ ଶିକ୍ଷକଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ହସ୍ପିଟାଲ୍ରେ ଭର୍ତ୍ତି କରାଯାଇଛି ।
ତେଲିଆଗଞ୍ଜ ନଛିପୁର ପ୍ରାଥମିକ ବିଦ୍ୟାଳୟ ପରିସରରେ ଏକ ବିଦ୍ୟୁତ ତାର ଛିଣ୍ଡି ପଡ଼ିଥିଲା । ଦୁଇଜଣ ଛାତ୍ର ସେଠାକୁ ଯାଇଥିବା ବେଳେ ହଠାତ ବିଦ୍ୟୁତ ଆଘାତର ଶୀକାର ହୋଇଥିଲେ । ଏହାକୁ ଦେଖି ବିଦ୍ୟାଳୟର ପ୍ରଧାନ ଶିକ୍ଷକ ଜିତେନ୍ଦ୍ର ମହାନ୍ତି ଦୁଇ ଛାତ୍ରଙ୍କୁ ଉଦ୍ଧାର କରିବା ବେଳ ନିଜେ ବିଦ୍ୟୁତ ଆଘାତର ଆହାତ ହୋଇଥିଲେ । ସ୍ଥାନୀୟ ଲୋକେ ତୁରନ୍ତ ସେମାନଙ୍କୁ ଉଦ୍ଧାର କରି ସୋର ମେଡିକାଲରେ ଭର୍ତ୍ତି କରିଥିଲେ ।
ତେବେ ଅବସ୍ଥା ସଙ୍କଟାପନ୍ନ ହେବାରୁ ସେମାନଙ୍କୁ ବାଲେଶ୍ଵର ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି । ଗତକାଲି(ମଙ୍ଗଳବାର) ରାତିରେ ସ୍କୁଲ୍ରୁ ପାଣି ମୋଟର ଚୋରି କରିବା ପରେ ଚୋରମାନେ ବିଦ୍ୟୁତ ତାର ମୁକୁଳା ଛାଡ଼ି ଚାଲି ଯାଇଥିଲେ । ଏହି ତାର ସଂସ୍ପର୍ଶରେ ଆସି ଛାତ୍ର ଓ ପ୍ରଧାନ ଶିକ୍ଷକ ଗୁରୁତର ହୋଇଛନ୍ତି ।
ଇଟିଭି ଭାରତ, ବାଲେଶ୍ବର
