ବାଲେଶ୍ଵର: ବାଲେଶ୍ଵର ଜିଲ୍ଲା ଖଇରା ବ୍ଲକ ରଟିଣା ଗ୍ରାମର ବାବାଜୀ ମହାନ୍ତିଙ୍କ ବାଡ଼ିରୁ ଏକ ହରିଣ ଛୁଆ ଉଦ୍ଧାର କରାଯାଇଛି। ହରିଣ ଛୁଆଟି ବାଡ଼ି ଭିତରେ ବୁଲୁଥିବା ପରିବାର ଲୋକେ ଦେଖିବାକୁ ପାଇଥିଲେ ।
ହରିଣ ଛୁଆକୁ ଉଦ୍ଧାର କରି ଜଙ୍ଗଲରେ ଛାଡିଲା ବନବିଭାଗ
ଏନେଇ ବାବାଜୀ କୁପାରି ବନବିଭାଗକୁ ଖବର ଦେବାପରେ ବନବିଭାଗ ପହଞ୍ଚି ହରିଣ ଛୁଆକୁ ଉଦ୍ଧାର କରି କୁଲଢ଼ିଆ ଜଙ୍ଗଲରେ ଛାଡିଥିବା ନେଇ ସୂଚନା ମିଳିଛି । ହରିଣ ଛୁଆଟି ଶାରୀସୁଆ ପାହାଡ଼ କିମ୍ବା ହଦଗଡ଼ ଡ୍ୟାମକୁ ପାଣି ପିଇବାକୁ ଆସିଥିବା ନେଇ ବନ ବିଭାଗ ପକ୍ଷରୁ କୁହାଯାଇଛି । ତେବେ ହରିଣଟି ଦୁଇ ବର୍ଷ ବୟସର ହୋଇଥିବା ବନବିଭାଗ ଅନୁମାନ କରିଛି ।
ବାଲେଶ୍ଵରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
