ବାଲେଶ୍ବର: ଚଳନ୍ତା ଭ୍ୟାନରେ ଅଗ୍ନିକାଣ୍ଡ। ବାଲେଶ୍ବର ସହରର ଗାନ୍ଧିସ୍ମୃତି ଭବନ ସମ୍ମୁଖ ଓଟି ରୋଡ଼ରେ ଏହି ଅଗ୍ନିକାଣ୍ଡ ଘଟିଥିବା ଦେଖିବାକୁ ମିଳିଥିଲା।
ଚଳନ୍ତା ଭ୍ୟାନରେ ଅଗ୍ନିକାଣ୍ଡ, ପାଣି ଓ ବାଲି ଦ୍ଵାରା ନିଆଁ ଆୟତ୍ତ
ରବିବାର ରାତିରେ ଏକ ଓମ୍ନି ଭ୍ୟାନ ଫକୀର ମୋହନ ଗୋଲେଇ ହୋଇ ଷ୍ଟେସନ ଆଡ଼କୁ ଯାଉଥିବା ବେଳେ ହଠାତ ଭ୍ୟାନ ଭିତରେ ହୁ ହୁ ହୋଇ ନିଆଁ ଜଳି ଉଠିଥିଲା। ତେବେ ଭ୍ୟାନଟି ଏକ କାରକୁ ଟାଣି ଟାଣି ନେବା ବେଳେ ଭ୍ୟାନରେ ନିଆଁ ଲାଗିଥିବା ଜଣାପଡିଛି।
ଅଗ୍ନିକାଣ୍ଡରେ ଡ୍ରାଇଭର ସୁରକ୍ଷିତ ଥିବା ବେଳେ ସଟ ସାର୍କିଟ୍ ଯୋଗୁଁ ଅଗ୍ନିକାଣ୍ଡ ହୋଇଥିବା ସନ୍ଦେହ କରାଯାଉଛି। ସ୍ଥାନୀୟ ଲୋକମାନେ ପାଣି ଏବଂ ବାଲି ଦ୍ଵାରା ନିଆଁ ଆୟତ୍ତ କରିଥିଲେ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
