ବାଲେଶ୍ବର: ଜିଲ୍ଲା ବାହାନଗା ବ୍ଲକ ତାଳପାଡ଼ି ଗ୍ରାମରେ ଭୟାବହ ଅଗ୍ନିକାଣ୍ଡ ଘଟିଛି । ଆଜି(ସୋମବାର) ସକାଳ ୫ଟାରେ ଘଟିଛି ଏହି ଅଘଟଣ । କୌଣସି କାରଣରୁ ଗାଁର ଗାଁର ବିଷଣ୍ଣୁ ବେହେରାଙ୍କ ଘରେ ନିଆଁ ଲାଗି ଯାଇଥିଲା । ଅଗ୍ନିକାଣ୍ଡ ଏତେ ଭୟାବହ ଥିଲା ଯେ ବିଷ୍ଣୁଙ୍କ ସମ୍ପୂର୍ଣ୍ଣ ଘର ଓ ଘରେ ଥିବା ସମସ୍ତ ସମ୍ପତ୍ତି ଜଳିପୋଡ଼ି ପାଉଁଶ ହୋଇଯାଇଛି ।
Fire Brakes out At Talapadi village
ଖାଲି ସେତିକି ନୁୁହେଁ ଘରେ ବନ୍ଧା ହୋଇଥିବା ୪ ଟିଗୋରୁ, ୮ଟି ଛେଳି ଜୀବନ୍ତ ଦଗ୍ଧ ହୋଇଯାଇଛନ୍ତି । ଜୀବନ ବିକଳରେ ଘରୁ ବାହାରିବା ବେଳେ ସେମାନଙ୍କୁ ଆଉ ଉଦ୍ଧାର କରି ପାରିନଥିଲେ ବିଷ୍ଣୁ । ଘର ଲୋକ ଶୋଇଥିବା ବେଳେ ଏହି ଘଟଣା ଘଟିଥିବା ବେଳେ ଉଠି ଦେଖିବାକୁ ବେଳକୁ ଅଧାରୁ ଅଧିକ ଘରକୁ ନିଆଁ ଆୟତ୍ତ କରି ସାରିଥିଲା ।
ଖବର ପାଇ ଅଗ୍ନିଶମ ବାହିନୀ ନିଆଁ ଲଭାଇବାକୁ ପହଞ୍ଚିଥିଲା । ହେଲେ ସେତେବେଳେ ଦୁଇ ବଖରା ଘର ପାଉଁଶ ହୋଇ ସାରିଥିଲା । ସଟ୍ସର୍କିଟ ଯୋଗୁଁ ଏହି ଅଗ୍ନିକାଣ୍ଡ ଘଟିଥିବା ସନ୍ଦେହ କରାଯାଉଛି ।
ବାଲେଶ୍ବରରୁ ଜୀବନ ଜ୍ୟାତି ନାୟକ, ଇଟିଭି ଭାରତ
