ବାଲେଶ୍ଵର: ଉଧାର ଟଙ୍କାକୁ କେନ୍ଦ୍ରକରି ଦୁଇଗୋଷ୍ଠୀ ମଧ୍ୟରେ ମାରପିଟ । ଏଥିରେ ଦୁଇ ଜଣ ଗୁରୁତର ହୋଇଥିବା ବେଳେ ଜଣେ ଆହତ ହୋଇଛନ୍ତି । ଏଭଳି ଘଟଣା ଦେଖିବାକୁ ମିଳିଛି ବାଲେଶ୍ଵରର ସଜନାଗଡ଼ ଅଞ୍ଚଳରେ । ଉଧାର ଟଙ୍କାକୁ କେନ୍ଦ୍ର କରି ନୂଆସାହି ଗାଁର ସୁଦୂର ମଢେଇ ଓ ମନୋଜ ପାତ୍ରଙ୍କ ମଧ୍ୟରେ ବଚସା ହୋଇଥିଲା। ପରେ ଏହା ଉଗ୍ରରୂପ ନେଇଥିଲା ।
ଉଧାର ଟଙ୍କାକୁ ନେଇ ଲଙ୍କାକାଣ୍ତ: 2 ଗୁରୁତର ଜଣେ ଆହତ
ଏଥିରେ ମନୋଜ ଓ ସୁଦୂର ଗୁରୁତର ହୋଇଥିବା ବେଳେ କୁସୁମିଆର ସଞ୍ଜୟ ସେନାପତି ଆହତ ହୋଇଛନ୍ତି । ସେମାନଙ୍କୁ ମେଡିକାଲରେ ଭର୍ତ୍ତି କରାଯାଇଛି । ଘଟଣାସ୍ଥଳରେ ନୀଳଗିରି ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
