ETV Bharat Impact: ଖବର ବାଜିଲା, କ୍ୟାନସର ରୋଗୀଙ୍କ ପାଖରେ ପହଞ୍ଚିଲା ପ୍ରଶାସନ

କର୍କଟ ରୋଗରୁ ମୁକ୍ତି ପାଇବେ ସୁଦାମ ଜେନା । ସାହାଯ୍ୟର ହତା ବଢାଇଲା ବ୍ଲକ ପ୍ରଶାସନ । ପ୍ରଥମେ ଇଟିଭି ଭାରତ ଏହି ଖବର ପ୍ରସାରଣ କରିଥିଲା । ଅଧିକ ପଢନ୍ତୁ

ବାଲେଶ୍ବର: ଖବର ବାଜିଲା ନଜର ପଡିଲା । ପ୍ରାଣଘାତି କର୍କଟ ରୋଗରୁ ମୁକ୍ତି ପାଇବେ ସୁଦାମ ଜେନା ! ଏନେଇ ‘ଇଟିଭି ଭାରତ’ରେ ଖବର ପ୍ରସାରଣ ପରେ ସୁଦାମଙ୍କ ନିକଟରେ ବ୍ଲକ ପ୍ରଶାସନ ପହଞ୍ଚି ସହାୟତାର ହାତ ବଢାଇଛି । ଚିକିତ୍ସା ନିମନ୍ତେ ବିଡିଓ 10 ହଜାର ଟଙ୍କା ଓ ଜେଇ ଏକ ହଜାର ଟଙ୍କା ପ୍ରଦାନ କରିଛନ୍ତି। ସେହିପରି ସୋରର ଅଗ୍ରଣୀ ସ୍ବେଚ୍ଛାସେବୀ ସଂଗଠନ ତରଫରୁ 10 ହଜାର ଟଙ୍କା ପ୍ରଦାନ କରାଯାଇଛି ।

• BDO soro provided assistance to the family through CMRF. They're getting all the govt benefits already. pic.twitter.com/kQQrJbyfJ1

  — Collector & DM Balasore (@DBalasore) July 21, 2023 " class="align-text-top noRightClick twitterSection" data="

  BDO soro provided assistance to the family through CMRF. They're getting all the govt benefits already. pic.twitter.com/kQQrJbyfJ1

  — Collector & DM Balasore (@DBalasore) July 21, 2023

  ">

  BDO soro provided assistance to the family through CMRF. They're getting all the govt benefits already. pic.twitter.com/kQQrJbyfJ1

  — Collector & DM Balasore (@DBalasore) July 21, 2023

ନଦୀଗାଁ ଗ୍ରାମର ସୁଦାମ ଜେନା । ଘରର ଏକମାତ୍ର ରୋଜଗାରିଆ ପୁଅ ହେଉଛି ସୁଦାମ। କିଛି ଦିନ ପୂର୍ବରୁ ଗ୍ୟାଷ୍ଟିକ ସମସ୍ୟାରେ ପଡ଼ି ଚିକିତ୍ସା ପାଇଁ କଟକ ଯାଇଥିଲେ । ସେଠାରେ ସେ କ୍ୟାନ୍ସରରେ ପୀଡିତ ଥିବା ଜଣାପଡିଥିଲା । ଅପରେସନ ପରେ ବର୍ତ୍ତମାନ ସେ ପେଟ ମାଧ୍ୟମରେ ମଳତ୍ୟାଗ କରୁଛନ୍ତି । ଏବେ ତାଙ୍କର କ୍ୟାନ୍ସରର ପ୍ରଥମ ଷ୍ଟେଜ ଅନ୍ୟର ସାହାରା ବିନା ସେ ଉଠି ବସି ପାରୁନାହାନ୍ତି । ଚିକିତ୍ସା ପାଇଁ ଅଧିକ ଟଙ୍କାର ଆବଶ୍ୟକତା ରହିଥିବା ବେଳେ ଅର୍ଥାଭାବ କାରଣରୁ ସଠିକ୍ ଚିକିତ୍ସା ପାଇପାରୁ ନଥିଲେ। କିଛି ଦିନ ପୂର୍ବେ ଏନେଇ ଖବର ପ୍ରସାରଣ ପରେ ତାଙ୍କୁ ସହାୟତାର ହାତ ବଢାଇଛି ବ୍ଲକ ପ୍ରଶାସନ ଓ ସ୍ବେଚ୍ଛାସେବୀ ସଂଗଠନ। ସେହି ଟଙ୍କାରେ ଏବେ ସେ କେମୋ ନେବା ଆରମ୍ଭ କରିଛନ୍ତି ।

ରୋଜଗାରିଆ ପୁଅ ସୁଦାମ ରୋଗାକ୍ରାନ୍ତ ହେବା ପରେ ପରିବାର ଅଭାବ ଅନଟନ ମଧ୍ୟରେ ଗତି କରୁଛି । ପରିବାରରେ ତାଙ୍କର 6ଝିଅ, ସ୍ତ୍ରୀ ଓ ବୁଢି ମାଆ ରହିଛନ୍ତି। ସବୁଠୁ ଦୁଃଖଦ କଥା ହେଉଛି ସୁଦାମଙ୍କ ବୃଦ୍ଧା ମାଆ ଏହି ପରିଣତ ବୟସରେ ପୁଅର ଚିକିତ୍ସା ପାଇଁ ଘରେ ଘରେ ବୁଲି ଭିକ୍ଷା ମାଗୁଛନ୍ତି । ପୁଅ ଯନ୍ତ୍ରଣା ପାଉଥିବା ଦେଖି ସହି ପାରୁନି ମାଆ । ଦିନକୁ ଦୁଇ ଓଳା ଖାଦ୍ୟ ଖାଇବାକୁ ମଧ୍ୟ ସମ୍ବଳ ନଥିବାରୁ କେମିତି ନିଜ ସ୍ୱାମୀଙ୍କ ଚିକିତ୍ସା କରିବେ ସେନେଇ ଚିନ୍ତାରେ ରହିଥିଲେ ସ୍ତ୍ରୀ ମଞ୍ଜୁ ଜେନା । ଆବାସ ଯୋଜନାରେ ଘର ଟିଏ ପାଇଛନ୍ତି କିନ୍ତୁ ତାହା ଆର୍ଥିକ ପରିସ୍ଥିତି ପାଇଁ ସମ୍ପୂର୍ଣ କରିପାରିନାହାନ୍ତି । ଏପଟେ ସୋରର ଅଗ୍ରଣୀ ସ୍ବେଚ୍ଛାସେବୀ ସଂଗଠନ ଆଦର୍ଶ ଯୁବ ପରିଷଦ ପକ୍ଷରୁ ସୁଦାମଙ୍କ ପରିବାରକୁ ଆର୍ଥିକ ସହାୟତା ସହ ଏକ ମାସର ରାସନ ସାମଗ୍ରୀ, ପିଲାଙ୍କୁ ବସ୍ତ୍ର ଏବଂ ପାଠ୍ୟ ସାମଗ୍ରୀ ପ୍ରଦାନ କରାଯାଇଛି।

ଇଟିଭି ଭାରତ, ବଲେଶ୍ବର