ବାଲେଶ୍ବର: ଜିଲ୍ଲା ସିଂଲା ଥାନା ଅନ୍ତର୍ଗତ ଲଙ୍ଗଳେଶ୍ବର ବଜାରରେ ଥିବା ଏକ କବାଡିଆ ଦୋକାନରୁ ଲକ୍ଷାଧିକ ଟଙ୍କାର ଚୋରା ବିଦ୍ୟୁତ ତାର ଜବତ କରାଯାଇଛି। ଏହା ସହ ବସ୍ତା ପୋଲିସ ସ୍କର୍ପିଓକୁ ଜବତ କରିବା ସହ 4ଜଣଙ୍କୁ ଗିରଫ କରିଛି ।
ଭିଡିଓ ସୌଜନ୍ୟ:ସମ୍ବାଦଦାତା, ବାଲେଶ୍ବର
ଖବର ଅନୁଯାୟୀ, ଗତକାଲି ବିଳମ୍ବିତ ରାତିରେ 4 ଜଣ ଯୁବକ ଏକ ସ୍କର୍ପିଓରେ ଲକ୍ଷାଧିକ ଟଙ୍କାର ଚୋରା ବିଦ୍ୟୁତ ତାର ବୋଝେଇ କରି ବିକ୍ରି କରିବାକୁ ନେଉଥିଲେ। ଉକ୍ତ ଘଟଣା ସମ୍ପର୍କରେ ବସ୍ତା ପୋଲିସ ଖବର ପାଇ ଲଙ୍ଗଳେଶ୍ବର ଠାରେ ଥିବା ଏକ କବାଡିଆ ଦୋକାନରେ ଚଢଉ କରିଥିଲା । ପୋଲିସ ସେହି ଦୋକାନରୁ ଲକ୍ଷାଧିକ ଟଙ୍କାର ବିଦ୍ୟୁତ ତାର ଓ ସଂପୃକ୍ତ ସ୍କର୍ପିଓକୁ ଜବଜ କରିଛି । ଏଥିସହ 4 ଜଣଙ୍କୁ ମଧ୍ୟ ପୋଲିସ ଗିରଫ କରି ଘଟଣାର ଅଧିକ ତଦନ୍ତ ଜାରି ରଖିଛି।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
