ବାଲେଶ୍ଵର: ବାଲେଶ୍ଵର ସଦର ଉପନିର୍ବାଚନ ପାଇଁ ଏବେ ପ୍ରଚାର ଜୋରଦାର ଚାଲିଛି । ପ୍ରଚାର ମଇଦାନରେ କେନ୍ଦ୍ରମନ୍ତ୍ରୀଙ୍କ ଠାରୁ ଆରମ୍ଭ କରି ରାଜ୍ୟ ମନ୍ତ୍ରୀ ମଣ୍ଡଳର ବହୁ ମନ୍ତ୍ରୀ ସାମିଲ ହୋଇଛନ୍ତି । ସେହିପରି ସହରର ୱାର୍ଡ ନଂ 1 ପୁରୁଣା ବାଲେଶ୍ଵର ସୁନାରୀ ସାହି ଅଞ୍ଚଳରେ ଶକ୍ତି ମନ୍ତ୍ରୀ କ୍ୟାପ୍ଟେନ ଦିବ୍ୟଶଙ୍କର ମିଶ୍ର ରାତିରେ ପ୍ରାର୍ଥୀ ସ୍ବରୂପ ଦାସଙ୍କ ପାଇଁ ପ୍ରଚାର ଓ ମହିଳା ଜନସଭା କରି ଭୋଟ ଭିକ୍ଷା କରିଛନ୍ତି । ସୁନାରିସାହିର ସମସ୍ତ ଅସୁବିଧା ସମ୍ପର୍କରେ ଲୋକଙ୍କୁ ପଚାରି ବୁଝିବା ସହ ସମସ୍ତ ସମସ୍ୟାର ସମାଧାନ କରାଯିବ ବୋଲି ମନ୍ତ୍ରୀ ଲୋକଙ୍କୁ ପ୍ରତିଶୃତି ଦେଇଥିଲେ ।
ଦେଢ଼ ବର୍ଷ ଭିତରେ ବିଜେପି ସାଂସଦ ଲୋକଙ୍କ ପାଇଁ ସେତେଟା ଆଖିଦୃଶିଆ କାର୍ଯ୍ୟ କରି ନଥିବା ପ୍ରସଙ୍ଗ ମଧ୍ୟ ଲୋକଙ୍କ ଆଗରେ ଉପସ୍ଥାପନ କରାଯାଇଥିଲା । ବିଜେଡି ସହିତ ମହିଳାମାନେ ସବୁବେଳେ ରହିଛନ୍ତି । ମା ଭଉଣୀ ମାନଙ୍କ ଆଶୀର୍ବାଦ ମୁଖ୍ୟମନ୍ତ୍ରୀ ଓ ପ୍ରାର୍ଥୀଙ୍କ ଉପରେ ରହିଛି ବୋଲି ମନ୍ତ୍ରୀ ନିଜ ଅଭିଭାଷଣରେ କହିଥିଲେ ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
