ବାଲେଶ୍ବର: ଚାନ୍ଦିପୁର ସ୍ଥିତ ସମନ୍ବିତ କ୍ଷେପଣାସ୍ତ୍ର ପରୀକ୍ଷଣ କେନ୍ଦ୍ରର 3 ନମ୍ବର ଉତକ୍ଷେପଣ କେନ୍ଦ୍ରରୁ ଆଜି (ସୋମବାର) କ୍ୟୁ ଆର-ସାମର ପରୀକ୍ଷଣ ସକାଳ 11 ଟା 49ମିନିଟରେ କରାଯାଇଛି। ସମ୍ପୂର୍ଣ୍ଣ ସ୍ବଦେଶୀ ଜ୍ଞାନ କୌଶଳରେ ନିର୍ମିତ ଭୁ-ପୃଷ୍ଠରୁ ଆକାଶକୁ ନିକ୍ଷେପ କରାଯାଇ ପାରୁଥିବା ଏହାର ଲକ୍ଷ୍ୟ ଭେଦି କ୍ଷମତା 30 କିଲୋମିଟର ରହିଛି।
ସ୍ବଳ୍ପ ଦୂରଗାମୀ କ୍ଷେପଣାସ୍ତ୍ର କ୍ୱିକ ରିଆକ୍ସନ ସରଫେସଟୁ ଏୟାର ମିଜାଇଲ ବା QR-SAMର ଏହା ସଫଳତାର ସହିତ ଲକ୍ଷ ଭେଦ କରିଥିଲା । ଏହି କ୍ଷେପଣାସ୍ତ୍ରଟି ଯେକୌଣସି ସ୍ଥାନରୁ ମୋବାଇଲ ଲଞ୍ଚର ସାହାଯ୍ୟରେ ଶତ୍ରୁପକ୍ଷର ଟ୍ୟାଙ୍କ, ଯୁଦ୍ଧ ବିମାନ ଓ ଏୟାରକ୍ରାଫ୍ଟକୁ ଧ୍ବଂସ କରିପାରିବ।
ଡିଆରଡିଓ ଭାରତ ଇଲୋକ୍ଟ୍ରୋନିକ ଓ ଭାରତ ଡାଇନମିକ୍ସର ସହାୟତାରେ ଏହି କ୍ଷେପଣାସ୍ତ୍ରର ବିକାଶ କରିଛି। ଏହାର ପ୍ରଥମ ପରୀକ୍ଷା ୨୦୧୭ ମସିହା ଜୁନ ୪ ତାରିଖରେ କରାଯାଇଥିଲା।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
