ବାଲେଶ୍ବର: ଖନ୍ତାପଡା ଥାନା ଅନ୍ତର୍ଗତ ତୁଣ୍ଡୁରା ନିକଟରେ ବାଇକକୁ ଏକ ଟ୍ରକ ଧକ୍କା ଦେବା ଫଳରେ ଝିଅର ମୃତ୍ୟୁ ଘଟିଛି । ସେପଟେ ବାପା ଓ ମାଆ ଗୁରୁତର ଆହତ ହୋଇଛନ୍ତି । ଆହତଙ୍କୁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଛି ।
ମେଳା ଦେଖି ଫେରିବାବେଳେ ମାଡିଗଲା ଟ୍ରକ: ଝିଅ ମୃତ, ବାପା-ମାଆ ଗୁରୁତର
ସୂଚନା ଅନୁଯାୟୀ ବାଲେଶ୍ବର ଜିଲ୍ଲା କୁଅଁରପୁର ଗାଁର ବସନ୍ତ ସ୍ବାଇଁ ନାମକ ଜଣେ ବ୍ୟକ୍ତି ତାଙ୍କ ପତ୍ନୀ ବାସନ୍ତି ଏବଂ ଝିଅ ଦିବ୍ୟାଜ୍ୟୋତି(12)କୁ ନେଇ ବାରହଜାର ଅଞ୍ଚଳକୁ ବାରୁଣୀ ମେଳା ଦେଖିବାକୁ ଯାଇଥିଲେ । ସେଠାରୁ ଫେରିବା ସମୟରେ ତୁଣ୍ଡୁରା ନିକଟରେ ଏକ ଟ୍ରକ ତାଙ୍କ ବାଇକକୁ ଧକ୍କା ଦେବା ଫଳରେ ଘଟଣାସ୍ଥଳରେ ଝିଅ ଦିବ୍ୟାଜ୍ଯୋତିର ଘଟଣାସ୍ଥଳରେ ମୃତ୍ୟୁ ଘଟିଛି । ଏଥିସହ ବାପା ଓ ମାଆ ମଧ୍ୟ ଗୁରୁତର ଆହତ ହୋଇଛନ୍ତି । ଅନ୍ୟପଟେ ଉତ୍ୟକ୍ତ ଲୋକେ ଦୁର୍ଘଟଣା ଘଟାଇଥିବା ଟ୍ରକକୁ ଅଟକ ରଖି ରାସ୍ତାରୋକ କରିଥିବା ଦେଖିବାକୁ ମିଳିଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
