ବାଇକକୁ ଧକ୍କା ଦେଲା ବରଯାତ୍ରୀ କାର, ଜଣେ ମୃତ ଦୁଇ ଗୁରୁତର

ବାଲେଶ୍ଵର ଜିଲ୍ଲା ସୋର କୁପାରି ରାସ୍ତାର ପିତାକାଳିଆ ଠାରେ ବରଯାତ୍ରୀ କାର ସହ ଏକ ବାଇକ ଧକ୍କା ଯୋଗୁଁ ଜଣଙ୍କର ମୃତ୍ୟୁ ହୋଇଥିବା ବେଳେ ଦୁଇଜଣ ଗୁରୁତର ହୋଇଛନ୍ତି । ଅଧିକ ପଢନ୍ତୁ...

ବାଲେଶ୍ଵର: ବାଲେଶ୍ଵର ଜିଲ୍ଲା ସୋର କୁପାରି ରାସ୍ତାର ପିତାକାଳିଆ ଠାରେ ବରଯାତ୍ରୀ କାର ସହ ଏକ ବାଇକ ଧକ୍କା ଯୋଗୁଁ ଜଣଙ୍କ ମୃତ୍ୟୁ ହୋଇଥିବା ବେଳେ ଦୁଇଜଣ ଗୁରୁତର ହୋଇଛନ୍ତି ।

ସୂଚନା ଅନୁସାରେ, ଔପଦା ଥାନା ଅଧିନ ଅଘିରାପଦା ଗ୍ରାମର ରାମ ସିଂ ସେହି ଗ୍ରାମର ରତ୍ନାକର ଦାସଙ୍କୁ ବାଇକରେ ନେଇ ଘରକୁ ଯାଉଥିଲେ । ପିତାକାଳିଆ ଠାରେ କାରଟି ବାଇକକୁ ଧକ୍କା ଦେବା ଫଳରେ ଘଟଣା ସ୍ଥଳରେ ବାଇକରେ ବସିଥିବା ରତ୍ନାକରଙ୍କ ମୃତ୍ୟୁ ହୋଇଥିବା ଜଣାପଡିଛି । ଅନ୍ୟପଟେ ରାମ ସିଂ ଓ ଅକ୍ଷୟ ବେହେରା ନାମକ ଜଣେ ଯୁବକ ଗୁରୁତର ହୋଇଛନ୍ତି । ସେମାନଙ୍କୁ ସୋର ଡାକ୍ତରଖାନାରେ ଭର୍ତ୍ତି କରାଯାଇଛି ।

ବାଲେଶ୍ୱରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ