ବାଲେଶ୍ଵର: ଦିନକୁ ଦିନ ରାଜ୍ୟରେ ବଢିବାରେ ଲାଗିଛି ନିଶା କାରବାର । ବାଲେଶ୍ବରର ରାଜପୁର ବସ୍ତିରୁ ଦେଢ କିଲୋ ବ୍ରାଉନ ସୁଗାର ଜବତ ହୋଇଛି । ଏହାସହ ୨ ଜଣଙ୍କୁ ଗିରଫ କରାଯାଇଛି । ସେମାନଙ୍କ ମଧ୍ୟରୁ ଜଣେ କିଙ୍ଗପିନ ମହିଳା ଆମିନା ବିବି ରହିଛନ୍ତି । ଜବତ ବ୍ରାଉନ ସୁଗାରର ମୂଲ୍ୟ 1 କୋଟି 50 ଲକ୍ଷ ବୋଲି ଜଣାପଡିଛି ।
ଦେଢ କୋଟି ଟଙ୍କାର ବ୍ରାଉନସୁଗର ଜବତ,୨ ଗିରଫ
ସୂଚନା ଅନୁସାରେ,ଜଳେଶ୍ବର ରାଜପୁର ବସ୍ତିରେ ବ୍ରାଉନ ସୁଗାର କାରବାର ନେଇ ପୋଲିସକୁ ଖବର ମିଳିଥିଲା । ଏସଡିପିଓ ଅଙ୍କିତା କୁମ୍ଭାରି ଓ ଆଇଆଇସି ପ୍ରଜ୍ଞା ମହାନ୍ତିଙ୍କ ନେତୃତ୍ବରେ ଏକ ଟିମ ଚଢାଉ କରିଥିଲା । ଚଢାଉ ବେଳେ ପୋଲିସକୁ ନାକେଦମ୍ କରିଥିଲେ ବ୍ରାଉନ ସୁଗର ବେପାରୀ । ପୋଲିସ ଦୀର୍ଘ ସମୟର ଅପରେସନ ପରେ ୧ କିଲୋ ୫ ଶହ ଗ୍ରାମର ବ୍ରାଉନ ସୁଗାର ଜବତ କରିବା ସହ ୨ ଜଣଙ୍କୁ କାବୁ କରିଥିଲା ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
