ବାଲେଶ୍ଵର: ବାଲେଶ୍ବର ସଦର ଉପନିର୍ବାଚନରେ ବିଜେଡି ପ୍ରାର୍ଥୀ ସ୍ୱରୂପ ଦାସ ପ୍ରାର୍ଥୀପତ୍ର ଦାଖଲ କରିଛନ୍ତି । ତାଙ୍କର ନାମ ଘୋଷଣା ପରେ ବାଲେଶ୍ଵର ବିଜେଡିରେ ଅନେକ ଅସନ୍ତୋଷ ଦେଖିବାକୁ ମିଳିଥିଲା । ପରେ ଜିଲ୍ଲା ସଭାପତି ରବୀନ୍ଦ୍ର ଜେନା ଦଳର ନିଷ୍ପତ୍ତିକୁ ମାନି ପ୍ରାର୍ଥୀ ସ୍ୱରୂପ ଦାସଙ୍କୁ ସାମୂହିକ ଭାବେ ସମର୍ଥନ କରିବା ପାଇଁ ଆହ୍ୱାନ ଦେଇଥିଲେ । ସବୁ ଅସନ୍ତୋଷ ତୁଟିବା ପରେ ସ୍ୱରୂପ ଗୁରୁବାର ବିଜୁ ପଟ୍ଟନାୟକଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରି ନୋମିନେସନ ଦାଖଲ ପାଇଁ ବାହାରିଥିଲେ ।
ବାଲେଶ୍ବର ସଦର ପାଇଁ ବିଜେଡି ପ୍ରାର୍ଥୀ ସ୍ବରୂପ ଦାସଙ୍କ ପ୍ରାର୍ଥୀପତ୍ର ଦାଖଲ
ସ୍ୱରୂପଙ୍କ ସମର୍ଥନରେ ବହୁ ବରିଷ୍ଠ ବିଜେଡି ନେତା ତାଙ୍କ ସହ ସାମିଲ ହୋଇଥିଲେ। ଉପଜିଲ୍ଲାପାଳଙ୍କ କାର୍ଯ୍ୟାଳୟରେ ସ୍ୱରୂପ ପ୍ରାର୍ଥୀପତ୍ର ଦାଖଲ କରିଛନ୍ତି । ବିଜେଡି ପ୍ରତି ବାଲେଶ୍ଵରବାସୀଙ୍କ ଭରସା ରହିଥିବା ବେଳେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବିକାଶ ଧାରା ଆଗକୁ ବଢ଼ାଇବା ପାଇଁ ସେ ମୈଦାନକୁ ଓହ୍ଲାଇଥିବା କହିଛନ୍ତି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
