ବାଲେଶ୍ଵର: ସିମୁଳିଆ ଥାନା ‘ଗାଁ ମାର୍କୋଣା’ ଗ୍ରାମର ବୋଇତ ସାହିରେ ପୋଖରୀରେ ପଶିଗଲା ବାଇକ୍ । ଘଟଣାସ୍ଥଳରେ 2ଛାତ୍ର ମୃତ । ଯାତ୍ରା ଦେଖି ଫେରୁଥିବା ସମୟରେ ଏପରି ଘଟିଥିବା ସୂଚନା ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ଗତକାଲି(ଶନିବାର) ରାତିରେ ଗାଁ ମାର୍କୋଣା ଗ୍ରାମର ଲକ୍ଷ୍ମୀ ମଣ୍ଡପରେ ଯାତ୍ରା ଅନୁଷ୍ଟିତ ହୋଇଥିଲା । ଗାଁ ମାର୍କୋଣା ଗ୍ରାମର ଚନ୍ଦ୍ରକାନ୍ତ ବିଶ୍ବକର୍ମାଙ୍କ ପୁଅ ଶନି ବିଶ୍ବକର୍ମା ଓ ନିମଗଢିଆ ଗ୍ରାମର ସୁକୁର ସିଂଙ୍କ ପୁଅ ଜଗନ୍ନାଥ ସିଂ ଯାତ୍ରା ଦେଖି ବାଇକ ଯୋଗେ ଘରକୁ ଫେରୁଥିଲେ ।
ତେବେ ରାତି ଅନିଦ୍ରା କାରଣରୁ ବୋଇତ ସାହି ନିକଟରେ ଭାରସାମ୍ୟ ହରାଇ ରାସ୍ତାକଡରେ ଥିବା ପୋଖରୀ ଭିତରକୁ ଗଳି ପଡିଥିଲେ । ଫଳରେ ଘଟଣାସ୍ଥଳରେ ଉଭୟଙ୍କ ମୃତ୍ୟୁ ହୋଇଥିବା ଜଣାପଡିଛି । ସିମୁଳିଆ ପୋଲିସ ପହଞ୍ଚି ଶବ ବ୍ୟବଛେଦ ପାଇଁ ପଠାଇଛି । ମୃତକ ଦୁଇଜଣ ସିମୁଳିଆ କଲେଜର ଯୁକ୍ତ 2ର ଛାତ୍ର ଥିଲେ ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
