ବାଲେଶ୍ଵର: ଦିନିକିଆ ରିମାଣ୍ଡରେ ଗଲେ ବାଲେଶ୍ବର ଟାଉନ ଥାନାର ଆଇଆଇସି । ପୂର୍ବତନ ଆଇଆଇସି ସରୋଜିନୀ ନାୟକ ଏକ ଲାଞ୍ଚ ନେବା ମାମଲାରେ ଭିଜିଲାନ୍ସ ଜାଲରେ ଫସିଥିଲେ । ଜମିଜମା ବିବାଦ ତୁଟାଇବାକୁ 25 ହଜାର ଟଙ୍କା ଲାଞ୍ଚ ନେବା ଘଟଣାରେ ଏସଆଇ ବିମଳ ନାୟକ ଓ ଜଣେ ମଧ୍ୟସ୍ଥି ଗିରଫ ହୋଇଥିଲେ ।
ଦିନିକିଆ ରିମାଣ୍ଡରେ ଗଲେ ଟାଉନ ଥାନାର ଆଇଆଇସି
ଏହି ଘଟଣାରେ ଆଇଆଇସି ସରୋଜିନୀଙ୍କ ନାମ ଆସିଥିଲା । ଗତ ଜୁଲାଇ ମାସ ଠାରୁ ସରୋଜିନୀ ଛୁଟିରେ ଥିଲେ । ଗତ ଫେବୃୟାରୀ 2 ତାରିଖରେ ସରୋଜିନୀ ବାଲେଶ୍ଵର ଭିଜିଲାନ୍ସ କୋର୍ଟରେ ଆତ୍ମସମର୍ପଣ କରିବା ପରେ ତାଙ୍କୁ 14 ଦିନିଆ ବିଚାର ବିଭାଗୀୟ ହାଜତକୁ ପଠାଯାଇଥିଲା । ଆଜି ଭିଜିଲାନ୍ସ ତାଙ୍କୁ ଦିନିକିଆ ରିମାଣ୍ଡରେ ନେଇଛି । ଲାଞ୍ଚ ନେବା ଘଟଣାରେ ସଂପୃକ୍ତ ଆଇଆଇସିଙ୍କ ଠାରୁ ଅଧିକ ତଥ୍ୟ ହାସଲ କରିବା ପାଇଁ ରିମାଣ୍ଡରେ ନେଇଥିବା ଜଣାପଡ଼ିଛି।
ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ
