ବାଲେଶ୍ବର: ନେତା ମନ୍ତ୍ରୀଙ୍କ ପରେ ଏବେ ଜିଲ୍ଲାପାଳଙ୍କ ଅଚାନକ ଗସ୍ତ । ବାଲେଶ୍ବର ମୁଖ୍ୟ ଚିକିତ୍ସାଳୟକୁ ସରପ୍ରାଇଜ ଭିଜିଟ୍ କରିଛନ୍ତି ଜିଲ୍ଲାପାଳ କେ ସୁଦର୍ଶନ ଚକ୍ରବର୍ତ୍ତୀ । ତାଙ୍କ ସହ ଏସ୍ପି ଯୁଗଳ କିଶୋର କୁମାର ମଧ୍ୟ ଉପସ୍ଥିତ ଥିଲେ ।
ମେଡିକାଲ ବୁଲିଲେ, ସମସ୍ୟା ପଚାରି ବୁଝିଲେ ଜିଲ୍ଲାପାଳ
ଜିଲ୍ଲାପାଳ ପ୍ରଥମେ ସିଡିଏମଓଙ୍କ ସହ ମେଡିକାଲରେ ରୋଗୀ ସେବା କଥା ଆଲୋଚନା କରିଥିଲେ । ଏହାସହ ଆଉଟଡୋର ଟିକେଟ କାଉଣ୍ଟର ବୃଦ୍ଧି ପାଇଁ ପରାମର୍ଶ ଦେଇଥିଲେ । ଏହାପରେ ଜିଲ୍ଲାପାଳ ଓ ଏସପି ମେଡିସନ ୱାର୍ଡ ବୁଲିବା ସହ ରୋଗୀଙ୍କ ସହ ଆଲୋଚନା କରିଥିଲେ ।
ରୋଗୀଙ୍କୁ ଠିକ୍ ସମୟରେ ଔଷଧ ମିଳୁ ନଥିବା ଅଭିଯୋଗ ହେଉଥିବାରୁ ନିରାମୟ କେନ୍ଦ୍ରରେ ସମସ୍ତ ପ୍ରକାର ଔଷଧ ମହଜୁଦ ରଖିବା ପାଇଁ ନିର୍ଦ୍ଦେଶ ଦେଇଥିଲେ ଜିଲ୍ଲାପାଳ । ଆଗକୁ ଏହିପରି ଭାବରେ ମେଡିକାଲ ପରିଦର୍ଶନ କରାଯିବ ବୋଲି ଜିଲ୍ଲାପାଳ କହିଛନ୍ତି ।
ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ
