ବାଲେଶ୍ବର: କୋରୋନାର ଦ୍ଵିତୀୟ ଲହର ଯୋଗୁଁ ଲକଡାଉନ ଓ ସଟଡାଉନ ଜାରି ରହିଛି । ବାଲେଶ୍ଵରରେ ଦିନକୁ ଦିନ ସଂକ୍ରମଣ ବୃଦ୍ଧି ପାଉଥିବାରୁ ଜିଲ୍ଲା ପ୍ରଶାସନ ଓ ମେଡିକାଲ ପ୍ରଶାସନ ଅନେକ ପଦକ୍ଷେପ ନେଉଛନ୍ତି । ଏହାରି ଭିତରେ ପ୍ରତି ସପ୍ତାହନ୍ତ ସଟଡାଉନ ଅର୍ଥାତ ଶନିବାର ଓ ରବିବାର ଦିନ ବାଲେଶ୍ଵର ସହରକୁ ସାନିଟାଇଜ କରାଯାଉଛି ।
କରୋନା ସଂକ୍ରମଣ ରୋକିବା ପାଇଁ ସହର ହେଉଛି ବିଶୋଧିତ
ଜିଲ୍ଲାପାଳଙ୍କ ନିର୍ଦ୍ଦେଶ କ୍ରମେ ବାଲେଶ୍ଵର ଅଗ୍ନିଶମ ବାହିନୀର ଦୁଇଟି ଗାଡି ଓ ଡିଆରଡିଓର ଗୋଟିଏ ଗାଡି ସହରର ବିଭିନ୍ନ ସ୍ଥାନରେ ସାନିଟାଇଜ କରୁଥିବା ଦେଖିବାକୁ ମିଳିଛି । ଏହାସହ ବିଭିନ୍ନ ସରକାରୀ କାର୍ଯ୍ୟାଳୟ ପରିସରକୁ ମଧ୍ୟ ସାନିଟାଇଜ କରାଯାଉଛି । କୋରୋନା ସଂକ୍ରମଣ ରୋକିବା ପାଇଁ ଏମିତି ସାନିଟାଇଜ ପ୍ରକ୍ରିୟା ଚାଲୁ ରହିବ ବୋଲି ଜଣାପଡିଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
