ବାଲେଶ୍ଵର: ଜିଲ୍ଲା ସ୍ଥିତ ଖଇରା ଥାନା ତୁଡ଼ିଗଡ଼ିଆରେ ଜଣେ ହୋମିଓପାଥିକ ଡାକ୍ତରଙ୍କୁ ଆକ୍ରମଣ ହୋଇଥିବା ନେଇ ଥାନାରେ ଅଭିଯୋଗ ହୋଇଛି । ଏଥିସହ ତାଙ୍କୁ ଅଶାଳୀନ ଭାଷାରେ ଗାଳିଗୁଲଜ କରାଯାଇଥିବା ମଧ୍ୟ ଅଭିଯୋଗରେ ଉଲ୍ଲେଖ ରହିଛି ।
ହୋମିଓପ୍ୟାଥିକ ଡାକ୍ତରଙ୍କୁ ଆକ୍ରମଣ ଅଭିଯୋଗ
ସୂଚନା ଅନୁଯାୟୀ, ଡାକ୍ତର ଅକ୍ଷୟ କୁମାର ପଣ୍ଡା ନିଜ କ୍ଲିନିକରେ ରୋଗୀ ଦେଖୁ ଥିବାବେଳେ ମାଖନପୁର ପଞ୍ଚାୟତ କୁତୁପୁର ଅଞ୍ଚଳର ଚିତ୍ତରଞ୍ଜନ ମହାନ୍ତି ସେଠାରେ ଆସି ତାଙ୍କୁ ଅଶାଳୀନ ଭାଷାରେ ଗାଳି ଗୁଲଜ କରିଥିଲେ । ଏହାକୁ ଡାକ୍ତର ଅକ୍ଷୟ ପ୍ରତିବାଦ କରିବାରୁ ଚିତ୍ତରଞ୍ଜନ ଉତକ୍ଷିପ୍ତ ହୋଇ ଡାକ୍ତରଙ୍କୁ ନିସ୍ତୁକ ମାଡ଼ ମାରିଥିଲେ । ଏହାପରେ ଡାକ୍ତର ଅକ୍ଷୟ ଖଇରା ମେଡିକାଲରେ ଆଶୁ ଚିକିତ୍ସା କରାଇବା ପରେ ଏନେଇ ଥାନାରେ ଅଭିଯୋଗ କରିଛନ୍ତି । ତେବେ ଡାକ୍ତରଙ୍କୁ କେଉଁ କାରଣରୁ ଆକ୍ରମଣ କରାଯାଇଛି ସେନେଇ କୌଣସି ସୂଚନା ମିଳିପାରି ନାହିଁ ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
