ବାଲେଶ୍ବର: ଜିଲ୍ଲାର ସୋର ଥାନା ଅନ୍ତର୍ଗତ ଗୋବିନ୍ଦପୁର ଗାଁରେ ୩୫ ବର୍ଷୀୟ ଯୁବକକୁ ରାତିରେ ପିଟି ପିଟି ହତ୍ୟା କରାଯାଇଥିବା ଅଭିଯୋଗ ହୋଇଛି । ରକ୍ତ ଜୁଡୁବୁଡୁ ଅବସ୍ଥାରେ ଘର ଛାତ ଉପରେ ଫିଙ୍ଗି ଦେଇଥିଲେ ଦୁର୍ବୃତ୍ତ । ଯୁବକ ଜଣକ ହେଉଛନ୍ତି ଗୋବିନ୍ଦପୁର ଗାଁର କମଳାକାନ୍ତ ମଳିକ ।
ଯୁବକଙ୍କୁ ପିଟିପିଟି ହତ୍ୟା ଅଭିଯୋଗ
ରବିବାର ସକାଳେ ନିଜ ଛାତରେ ରକ୍ତ ଜୁଡୁବୁଡୁ ଅବସ୍ଥାରେ ପଡ଼ିଥିବା କମଳାକାନ୍ତଙ୍କ ୬ ବର୍ଷର ପୁଅ ଦେଖିଥିଲା, ପରେ ପରିବାର ଲୋକଙ୍କୁ ଡାକିଥିଲା । ମୁର୍ମୂଷ ଅବସ୍ଥାରେ କମଳାକାନ୍ତଙ୍କୁ ପ୍ରଥମେ ସୋର ପରେ କଟକ ଡାକ୍ତରଖାନାକୁ ନିଆଯାଇଥିଲେ ମଧ୍ୟ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ପରେ ସୋର ଥାନାରେ ତାଙ୍କ ବାପା ଅଭିଯୋଗ କରିଛନ୍ତି । ତାଙ୍କ ପୁଅକୁ ସେହି ଗ୍ରାମର କିଛି ବ୍ୟକ୍ତି ପିଟି ପିଟି ହତ୍ୟା ଉଦ୍ୟମ କରି ଛାତ ଉପରେ ଫିଙ୍ଗି ଦେଇଥିବା ବାପା ଲିଖିତ ଅଭିଯୋଗ କରିବା ପରେ ତିନିଜଣକୁ ଅଟକ ରଖି ପଚରାଉଚୁରା କରୁଛି ସୋର ପୋଲିସ ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
