ବାଲେଶ୍ଵର: ଆଦିବାସୀ ମହିଳାଙ୍କୁ ଅପହରଣ ଅଭିଯୋଗ । ବାଲେଶ୍ଵର ଜିଲ୍ଲା ଖଇରା ଥାନା ଗୋବିନ୍ଦପୁର ଅଞ୍ଚଳରୁ ଏହି ଅଭିଯୋଗ ଆସିଛି । ଜଣେ ୪୫ ବର୍ଷୀୟା ବିଧବା ଆଦିବାସୀ ମହିଳାଙ୍କୁ ଉକ୍ତ ଅଞ୍ଚଳର ତିନିଜଣ ଯୁବକ ଅପହରଣ କରିଥିବା ଅଭିଯୋଗ ହୋଇଛି ।
ଅଭିଯୋଗ ଅନୁସାରେ, ସ୍ଥାନୀୟ ଅଞ୍ଚଳର ୩ ଜଣ ଯୁବକ ବୋଲେରୋ ଯୋଗେ ମହିଳାଙ୍କ ଘର ନିକଟକୁ ଆସିଥିଲେ । ଏହାପରେ ମହିଳାଙ୍କ ପୁଅକୁ ଗାଳିଗୁଲଜ କରିବା ସହ ତାଙ୍କୁ ଘର ଭିତରୁ ଉଠାଇ ନେଇଛନ୍ତି । ଏନେଇ ମହିଳାଙ୍କ ପୁଅ ଖଇରା ଥାନାରେ ଅଭିଯୋଗ କରିଛନ୍ତି । ସେପଟେ ଅଭିଯୋଗ ପାଇବା ପରେ ପୋଲିସ ଘଟଣାରେ ତଦନ୍ତ ଆରମ୍ଭ କରିଛି ।
ଗୋବିନ୍ଦପୁର ଗ୍ରାମର ଅଜିତ କୁମାର ରାଉତ, ଗଳଙ୍ଗା ଗ୍ରାମର ବିଦ୍ୟାଧର ବେହେରା ଏବଂ ଟୁକୁନ ବେହେରା ନାମକ ୩ ଜଣ ଯୁବକ ଏହି ଅପହରଣ କରିଥିବା ଅଭିଯୋଗରେ ଦର୍ଶାଯାଇଛି ।
ବାଲେଶ୍ଵର ଜୀବନ ଜ୍ୟୋତି ନାୟକ, ଇଟିଭି ଭାରତ
