ବାଲେଶ୍ଵର: ବାଲେଶ୍ବରରୁ ବିପୁଳ ପରିମାଣର ମଦ ଜବତ ସହ 4 ଗିରଫ । ବୁଧବାର ଜିଲ୍ଲା ସଦର ଅବକାରୀ ବିଭାଗର ମୋବାଇଲ ଟିମ ବିଭିନ୍ନ ସ୍ଥାନରେ ଚଢ଼ାଉ କରି ବିପୁଳ ପରିମାଣରେ ବିଦେଶୀ ମଦ ଜବତ କରିବା ସହ ୪ ଜଣଙ୍କୁ ଗିରଫ କରିଛି।
ଭିଡିଓ ସୌଜନ୍ୟ:ସମ୍ବାଦଦାତା, ବାଲେଶ୍ବର
ଗିରଫ ଅଭିଯୁକ୍ତମାନେ ହେଲେ ସଦର ଥାନା ଅଧିନ ସଇପୁର ଗ୍ରାମର ମହେଶ୍ବର ସେଠୀ, ଇଞ୍ଚୁଡ଼ି ଗ୍ରାମର ବାଙ୍ଗୁରୁ ଦଳେଇ, ଚାନ୍ଦିପୁର ଥାନା ଅଧିନ ପଦ୍ମପୁର ଗ୍ରାମର ମାଳତୀ ସିଂ ଓ ନିଧିପଡ଼ା ଗ୍ରାମର ସନାତନ ମଣ୍ଡଳ। ତେବେ ଏହି ଘଟଣା ନେଇ ୪ ଟି ପୃଥକ ମାମଲା ରୁଜୁ କରାଯିବା ସହ ବୁଧବାର ୪ ଜଣ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
