୧୦ ହଜାର ଲିଟର ଦେଶୀ ମଦ ଜବତ, ଜଣେ ଗିରଫ

ବାଲେଶ୍ବର ଅବକାରୀ ବିଭାଗର ମୋବାଇଲ ୟୁନିଟ ପକ୍ଷରୁ ଚଢ଼ାଉ କରାଯାଇ ବିପୁଳ ପରିମାଣର ମଦ ସହ ଦୁଇଟି ଭ୍ୟାନ ଜବତ କରାଯାଇଛି । ଏହାସହ ମଦ କାରବାରରେ ସମ୍ପୃକ୍ତ ଜଣଙ୍କୁ ଗିରଫ କରାଯାଇଛି ।

ବାଲେଶ୍ବର: ଅବକାରୀ ବିଭାଗ ଦ୍ବାରା ଚଢାଉ କରାଯାଇ ବିପୁଳ ପରିମାଣର ମଦ ଜବତ । ବାଲେଶ୍ବର ଅବକାରୀ ବିଭାଗର ମୋବାଇଲ ୟୁନିଟ ପକ୍ଷରୁ ଚଢ଼ାଉ କରାଯାଇ ବିପୁଳ ପରିମାଣର ମଦ ସହ ଦୁଇଟି ଭ୍ୟାନ ଜବତ କରାଯାଇଛି । ଏହାସହ ମଦ କାରବାରରେ ସମ୍ପୃକ୍ତ ଜଣଙ୍କୁ ଗିରଫ କରାଯାଇଛି ।

ଅବକାରୀ ମୋବାଇଲ ଇନିସ୍ପେକ୍ଟର ଗାଲୁରାମ ସୋରେନଙ୍କ ନେତୃତ୍ବରେ ଏକ ଟିମ ସୁନହଟ ଓ ଝଗଡ଼ପାଡ଼ି ଅଞ୍ଚଳରେ ଚଢ଼ାଉ କରିଥିଲା । ୨ଟି ମଦ ବୋଝେଇ ପିକଅପ ଭ୍ୟାନ ସହିତ ୧୦ହଜାର ଲିଟର ଦେଶୀ ମଦ ଜବତ କରିଛି । ଗିରଫ ବ୍ୟକ୍ତି ଜଣଙ୍କ ଭ୍ୟାନର ଡ୍ରାଇଭର ପ୍ରଭାକର ଦାସ ବୋଲି ଜଣାପଡିଛି । ଜବତ ମଦର ଆନୁମାନିକ ମୂଲ୍ୟ 10 ଲକ୍ଷ ଟଙ୍କା ହେବ ବୋଲି ଜଣାପଡିଛି। ବାଲେଶ୍ୱରରୁ ମଦ ସିମୁଳିଆ ଓ ଭଦ୍ରକ ଚାଲାଣ ହେଉଥିବା ସୂଚନା ମିଳିଛି ।

ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ