ବାଲେଶ୍ବର: ଗହଣା ଦୋକାନୀଙ୍କ ଠାରୁ ଡକାୟତି ଘଟଣା । ନୀଳଗିରି ପୋଲିସ 6 ଜଣଙ୍କୁ ଗିରଫ କରିବା ସହ ଦୁଇଟି ବାଇକ୍, ଲାଇସେନ୍ସ ବନ୍ଧୁକ, ୫ ଲକ୍ଷ ୫୧ ହଜାର ଟଙ୍କା ଜବତ କରିଛି। ଗତ 17ତାରିଖରେ ନୀଳଗିରି ଥାନା ଖୁମକୁଟ ଅଞ୍ଚଳରେ ବାଲେଶ୍ବରର ଅଞ୍ଚଳର ଗହଣା ଦୋକାନୀ ଦିନେଶ ସ୍ବାଇଁଙ୍କ ନିକଟରୁ ଦଶଲକ୍ଷ ଟଙ୍କା ଲୁଟ ହୋଇଥିଲା । ଏନେଇ ନୀଳଗିରି ଥାନାରେ ଅଭିଯୋଗ ହୋଇଥିଲା।
6 ଡକାୟତଙ୍କୁ ଗିରଫ କଲା ନୀଳଗିରି ପୋଲିସ
ଯାହାକୁ ନେଇ ନୀଳଗିରି ପୋଲିସ ତଦନ୍ତ ଆରମ୍ଭ କରିଥିଲା । ଏହି ଲୁଟରେ ଗିରଫ ହୋଇଥିବା ବ୍ୟକ୍ତିମାନେ ନୀଳଗିରି ଅଞ୍ଚଳର ସନିଆ ପ୍ରଧାନ,ରାଜନଗର ଅଞ୍ଚଳର ଚନ୍ଦ୍ରକାନ୍ତ ମହାପାତ୍ର,ଗୁହାଳିଆ ଅଞ୍ଚଳର ମଧୁସୁଧନ ବେହେରା,ଦ୍ଵାରିକା ଗ୍ରାମର ସୁଶାନ୍ତ ବାରିକ,ସହଦେଵଖୁଣ୍ଟା ଅଞ୍ଚଳର ପ୍ରଦୀପ କୁମାର ପ୍ରଧାନ ଓ ଯତୀନ ପ୍ରଧାନ ବୋଲି ସୂଚନା ମିଳିଛି । ଏହାସହ ଘଟଣାରେ 4 ଅଭିଯୁକ୍ତ ଏବେବି ଫେରାର ଥିବା ଜଣାପଡିଛି।
ବାଲେଶ୍ବରରୁ ଜୀବନ ଜ୍ୟୋତି ନାୟକ,ଇଟିଭି ଭାରତ
